കാസര്‍കോട്: വീട്ടില്‍ നിന്നു 21 ഗ്രാം സ്വര്‍ണ്ണവും 17,000 രൂപയും കവര്‍ന്നതായി പരാതി. സംഭവത്തില്‍ വീട്ടുജോലിക്കാരിക്കെതിരെ കേസെടുത്തു. നീലേശ്വരം, പേരോല്‍, ആലപ്പാട്ട് ഹൗസിലെ ചിനു മരിയയുടെ പരാതി പ്രകാരം നീലേശ്വരം സ്വദേശിനിയായ സുലോചനക്കെതിരെയാണ് കേസ്. 2022 മുതല്‍ 2026 ഏപ്രില്‍ മാസം വരെ പരാതിക്കാരിയുടെ മാതാപിതാക്കള്‍ താമസിക്കുന്ന വീട്ടിലെ ജോലിക്കാരിയായിരുന്നു സുലോചന. 2025 മുതല്‍ 2026 വരെയുള്ള കാലയളവില്‍ വീട്ടിൽ നിന്ന് പല തവണകളായി 21 ഗ്രാം സ്വര്‍ണ്ണവും 17,000 രൂപയും മോഷണം പോയതായി പരാതിയില്‍ പറഞ്ഞു.