പയ്യന്നൂര്‍: പെരിങ്ങോത്ത് സിപിഎം പ്രവര്‍ത്തകന്‍ പോക്‌സോ കേസില്‍ അറസ്റ്റില്‍. കാങ്കോല്‍ ആലക്കാട് സ്വദേശി ഹരീഷ് നെല്ലൂര്‍ ആണ് പെരിങ്ങോം പൊലിസിന്റെ പിടിയിലായത്. കഴിഞ്ഞ വ്യാഴാഴ്ചയായിരുന്നു കേസിനാസ്പദമായ സംഭവം. 17 കാരിയെ പീഡിപ്പിക്കാന്‍ ശ്രമിച്ചുവെന്നാണ് പരാതി. ദിവസങ്ങള്‍ക്ക് മുമ്പ് പെരിങ്ങോം പൊലിസ് സ്റ്റേഷഷന്‍ പരിധിയിലെ പെണ്‍കുട്ടിയുടെ വീട്ടില്‍ മാതാപിതാക്കളില്ലാത്ത സമയത്ത് എത്തി കടന്നുപിടിക്കുകയായിരുന്നു. തുടര്‍ന്ന് പെണ്‍കുട്ടി ബഹളം വച്ചതോടെ യുവാവ് ഓടി രക്ഷപ്പെട്ടു. പിന്നീട് മാതാപിതാക്കളുടെ പരാതിയുടെ അടിസ്ഥാനത്തില്‍ എസ്.ഐ കെ ഖദീജയുടെ നേതൃത്വത്തില്‍ പ്രതിയെ പിടികൂടി.