കാസര്‍കോട്: കടവരാന്തയില്‍ കിടക്കുകയായിരുന്ന പശുക്കളെ കാറില്‍ കടത്തിക്കൊണ്ടു പോയതായി പരാതി. കന്യപ്പാടി റഹ്‌മത്ത് മന്‍സിലിലെ കെഎം മുഹമ്മദിന്റെ പരാതിയില്‍ അജ്ഞാതരായ മൂന്നു പേര്‍ക്കെതിരെ ബദിയഡുക്ക പൊലീസ് കേസെടുത്തു. ഇന്നലെ (ചൊവ്വ) പുലര്‍ച്ചെ ഒന്നരമണിയോടെയാണ് സംഭവം. വീടിനു സമീപത്തു കടവരാന്തയിലാണ് രാത്രി കാലങ്ങളില്‍ പശുക്കള്‍ കിടക്കാറ്. ഇക്കാര്യം മനസ്സിലാക്കിയ മോഷണസംഘം രാത്രിയിലെത്തി സൈലോ കാറില്‍ കടത്തിക്കൊണ്ടു പോയതായി സംശയിക്കുന്നുവെന്നു ബദിയഡുക്ക പൊലീസ് രജിസ്റ്റര്‍ ചെയ്ത കേസില്‍ പറയുന്നു.