കാസര്‍കോട്: ദുബായിലേയ്ക്കുള്ള യാത്രയ്ക്കിടയില്‍ വിമാനത്താവളത്തില്‍ വച്ച് പരിചയപ്പെട്ട ഭര്‍തൃമതിയായ യുവതിയെ സൗഹൃദം നടിച്ച് ബലാത്സംഗം ചെയ്യുകയും ഭീഷണിപ്പെടുത്തിയതായും പരാതി. സംഭവത്തില്‍ കാസര്‍കോട് വനിതാ പൊലീസ് കേസെടുത്ത് അന്വേഷണം ആരംഭിച്ചു. 32കാരി നല്‍കിയ പരാതിയില്‍ മലപ്പുറം സ്വദേശിയായ സൈഫുദ്ദീനെതിരെയാണ് കേസെടുത്തത്. ഭര്‍ത്താവിനൊപ്പം ദുബായിലേയ്ക്കു പോകുന്നതിനിടയില്‍ കോഴിക്കോട് വിമാനതാവളത്തില്‍ വച്ചാണ് യുവതി, സൈനുദ്ദീനെ പരിചയപ്പെട്ടത്. പിന്നീട് ഇരുവരും കുടുംബ സുഹൃത്തുക്കളായി മാറി. ഇതിനിടയിലാണ് യുവതിയെ ബലാത്സംഗത്തിനു ഇരയാക്കിയത്. പിന്നീട് ഭീഷണി തുടങ്ങിയതോടെയാണ് യുവതി പൊലീസില്‍ പരാതി നല്‍കിയത്.