മംഗ്‌ളൂരു: സുഹൃത്തിന് കടം കൊടുത്ത പണം തിരികെ കിട്ടാത്തതിനെ തുടര്‍ന്ന് കോളേജ് ഫീസ് അടയ്ക്കാന്‍ കഴിഞ്ഞില്ല; പരീക്ഷയെഴുതാന്‍ അവസരം നഷ്ടപ്പെട്ട ബിസിഎ വിദ്യാര്‍ത്ഥിനി കിണറ്റില്‍ ചാടി ജീവനൊടുക്കി. ഭട്ക്കല്‍ താലൂക്കിലെ ബേലകെയിലെ ഗായത്രി (20) യാണ് ജീവനൊടുക്കിയത്.
ഭട്ക്കലിലെ ഒരു കോളേജിലെ വിദ്യാര്‍ത്ഥിനിയായിരുന്നു ഗായത്രി. കോളേജ് ഫീസ് അടക്കുന്നതിനായി ഗായത്രിക്ക് അച്ഛന്‍ 10,000 രൂപ നല്‍കിയിരുന്നു. ഈ തുക ഗായത്രിയുടെ സുഹൃത്തായ സന്തോഷ് ഉടന്‍ തിരികെ നല്‍കാമെന്ന ഉറപ്പില്‍ കടം വാങ്ങി.
എന്നാല്‍ പറഞ്ഞ സമയത്ത് പണം തിരികെ കിട്ടിയില്ല. ഇതു കാരണം ഗായത്രിക്ക് ഫീസടക്കാന്‍ കഴിഞ്ഞില്ല. ഇക്കാരണത്താല്‍ ഗായത്രിക്കു പരീക്ഷയെഴുതാനുമായില്ല. ഇതിന്റെ മനോവിഷമത്തിലാണ് ഗായത്രി ജീവനൊടുക്കിയതെന്നു പറയുന്നു. സംഭവത്തില്‍ ഭട്ക്കല്‍ റൂറല്‍ പൊലീസ് കേസെടുത്തു.