കാസര്കോട്: ഗള്ഫില് നിന്നു നാട്ടിലെത്തിയ യുവാവിനെ കാണാതായതായി പരാതി. ഹരിപുരം, പുല്ലൂര്, കരക്കക്കുണ്ടിലെ കെ.വി അനില് കുമാറി(48)നെയാണ് കാണാതായത്. സഹോദരന് അരുണ് കുമാര് നല്കിയ പരാതിയില് അമ്പലത്തറ പൊലീസ് കേസെടുത്ത് അന്വേഷണം തുടങ്ങി.
ഷാര്ജയിലായിരുന്ന അനില് കുമാര് ജൂണ് 9നാണ് നാട്ടിലെത്തിയത്. 12ന് രാവിലെ 10.45മണിക്ക് കാഞ്ഞങ്ങാട് എസ്ബിഐ ശാഖയില് പണമിടപാട് നടത്തിയ ശേഷമാണ് കാണാതായത്. അനില് കുമാറിനെ കണ്ടെത്താന് ബന്ധുക്കള് നടത്തിയ അന്വേഷണം വിഫലമായതിനെ തുടര്ന്നാണ് സഹോദരന് പൊലീസില് പരാതി നല്കിയത്.
തൃക്കരിപ്പൂര് എം എല് എ സന്ദീപ് വാര്യരുടെ പിതാവ് അന്തരിച്ചു
Sunday, 14 June 2026, 11:19
