​പശ്ചിമേഷ്യൻ സംഘർഷം കടുക്കുന്നു: നെതന്യാഹുവിന് ട്രംപിന്റെ മുന്നറിയിപ്പ്.
​ഇറാൻ-ഇസ്രായേൽ സംഘർഷം വീണ്ടും ശക്തമാകുന്നതിനിടെ ഇസ്രായേൽ പ്രധാനമന്ത്രി ബെന്യാമിൻ നെതന്യാഹുവിന് കടുത്ത മുന്നറിയിപ്പുമായി യു.എസ് പ്രസിഡന്റ് ഡൊണാൾഡ് ട്രംപ് രംഗത്തെത്തി. ഇറാനുമായുള്ള യുദ്ധത്തിൽ ജാഗ്രത പാലിക്കണമെന്നും വീണ്ടും യുദ്ധത്തിലേക്ക് പോയാൽ ഇസ്രായേലിന് ഒറ്റയ്ക്ക് പോരാടേണ്ടി വരുമെന്നും ട്രംപ് വ്യക്തമാക്കി. അതേസമയം, ഇറാൻ വീണ്ടും ഇസ്രായേലിന് നേരെ ബാലിസ്റ്റിക് മിസൈൽ ആക്രമണം നടത്തിയതായും റിപ്പോർട്ടുകളുണ്ട്.

ഇറാനിലുള്ള ഇന്ത്യൻ പൗരന്മാരോട് രാജ്യം വിടാൻ ഇന്ത്യൻ എംബസി നിർദ്ദേശം നൽകിയിട്ടുണ്ട്.

കുവൈറ്റ് അന്താരാഷ്ട്ര വിമാനത്താവളത്തിന് നേരെയുണ്ടായ ആക്രമണത്തിന് പിന്നാലെ കുവൈറ്റ് ഇറാനെതിരെ നിലപാട് കടുപ്പിച്ചു. 24 മണിക്കൂറിനകം ഇറാനിയൻ നയതന്ത്രജ്ഞർ രാജ്യം വിടണമെന്ന് കുവൈറ്റ് ഉത്തരവിട്ടിട്ടുണ്ട്.

ഇറാനെതിരെ അന്താരാഷ്ട്ര സിവിൽ ഏവിയേഷൻ സംഘടനയെ കുവൈറ്റ് പ്രതിഷേധം അറിയിച്ചു.

​ക്യൂബൻ തീരത്ത് ശക്തമായ ഭൂചലനം; ഫ്ലോറിഡയിലും പ്രകമ്പനം
​ക്യൂബൻ തീരത്തെ കടലിൽ റിക്ടർ സ്കെയിലിൽ 6.1 തീവ്രത രേഖപ്പെടുത്തിയ ശക്തമായ ഭൂചലനം ഉണ്ടായി. ആളപായമോ വലിയ നാശനഷ്ടങ്ങളോ ഇതുവരെ റിപ്പോർട്ട് ചെയ്തിട്ടില്ലെങ്കിലും, ഭൂകമ്പത്തെ തുടർന്ന് ക്യൂബയുടെ തലസ്ഥാനമായ ഹവാനയിലെ കെട്ടിടങ്ങൾ കുലുങ്ങുകയും അമേരിക്കയിലെ ഫ്ലോറിഡ സ്റ്റേറ്റിന്റെ വിവിധ ഭാഗങ്ങളിൽ പ്രകമ്പനം അനുഭവപ്പെടുകയും ചെയ്തത് ജനങ്ങളിൽ പരിഭ്രാന്തി പരത്തി.

യു.എസിൽ ഇന്ത്യക്കാർക്ക് ആശ്വാസമായി കോടതി വിധി.
​അമേരിക്കയിൽ എച്ച്-1ബി വിസകൾക്ക് അധിക ഫീസ് ചുമത്തിയ മുൻ ഉത്തരവ് യു.എസ് കോടതി റദ്ദാക്കി. ഡൊണാൾഡ് ട്രംപിന്റെ നയങ്ങൾക്ക് തിരിച്ചടിയായ ഈ വിധി ഐടി മേഖലയിലുള്ളവർ ഉൾപ്പെടെ നിരവധി ഇന്ത്യൻ ഉദ്യോഗാർത്ഥികൾക്ക് വലിയ ആശ്വാസമാണ് നൽകുന്നത്.

​ദുബായ് എമിറേറ്റ്‌സ് റോഡിൽ മിനിബസും ട്രക്കും കൂട്ടിയിടിച്ച് ഉണ്ടായ അപകടത്തിൽ മരണസംഖ്യ എട്ടായി ഉയർന്നു. മരിച്ചവരിൽ ആറ് പേർ ഇന്ത്യൻ സ്വദേശികളാണെന്നാണ് വിവരം. അപകടത്തിൽ നിരവധി പേർക്ക് പരിക്കേൽക്കുകയും ചെയ്തിട്ടുണ്ട്.

ഒമാൻ തീരത്ത് ഇന്ത്യൻ ഇന്ധന ടാങ്കറിന് നേരെ ആക്രമണമുണ്ടായതായും അതിലെ 24 ഇന്ത്യൻ ജീവനക്കാരും സുരക്ഷിതരാണെന്നും റിപ്പോർട്ടുകളുണ്ട്.

​ഇന്ത്യ സഖ്യ യോഗത്തിൽ ഭിന്നത: പ്രതിപക്ഷ കൂട്ടായ്മയായ ‘ഇന്ത്യ’ സഖ്യത്തിന്റെ യോഗത്തിൽ രാഹുൽ ഗാന്ധിക്കെതിരെ രൂക്ഷവിമർശനം ഉയർന്നതായി റിപ്പോർട്ടുകൾ. സമാജ്‌വാദി പാർട്ടി നേതാവ് അഖിലേഷ് യാദവ് തുടക്കമിട്ട വിമർശനം ഇടതുപാർട്ടികളും ഏറ്റുപിടിച്ചതോടെ യോഗത്തിൽ തർക്കങ്ങൾ ഉടലെടുത്തു. ഇതിനെ പരിഹസിച്ച് ബിജെപി രംഗത്തെത്തിയിട്ടുണ്ട്.

തൃണമൂൽ കോൺഗ്രസ് വിമത എംപി യൂസഫ് പഠാൻ എൻഡിഎ സഖ്യത്തെ പിന്തുണച്ചതിനെതിരെ പാർട്ടി നേതാവ് മഹുവ മൊയ്ത്ര അതിരൂക്ഷമായ വിമർശനവുമായി രംഗത്തെത്തി.

​മധ്യപ്രദേശിൽ രാഷ്ട്രീയ നീക്കങ്ങൾ: കോൺഗ്രസ് തങ്ങളുടെ എംഎൽഎമാരെ കർണാടകയിലേക്കും തെലങ്കാനയിലേക്കും മാറ്റാൻ നീക്കം നടത്തുന്നതായി റിപ്പോർട്ടുകളുണ്ട്. ബിജെപി കുതിരക്കച്ചവടത്തിന് ശ്രമിക്കുന്നു എന്ന ആരോപണത്തെ തുടർന്നാണിത്.

ആന്ധ്രാപ്രദേശിലെ വിശാഖപട്ടണം സ്റ്റീൽ പ്ലാന്റിലുണ്ടായ സ്ഫോടനത്തിൽ എട്ടുപേർ മരണപ്പെടുകയും നിരവധി പേർക്ക് പരിക്കേൽക്കുകയും ചെയ്തു.

ശക്തമായ കാറ്റിലും മഴയിലും പെട്ട് ഡൽഹി അന്താരാഷ്ട്ര വിമാനത്താവളത്തിൽ നിർത്തിയിട്ടിരുന്ന മൂന്ന് വിമാനങ്ങൾക്ക് കേടുപാടുകൾ സംഭവിച്ചു.

​ ലക്ഷദ്വീപിൽ ഏർപ്പെടുത്തിയിരുന്ന 47 വർഷത്തെ മദ്യവിലക്ക് കേന്ദ്രസർക്കാർ നീക്കി. ഇനി മുതൽ ദ്വീപിൽ മദ്യം വിൽക്കാൻ അനുമതിയുണ്ടാകും. ഇതിനെതിരെ വലിയ രീതിയിലുള്ള പ്രതിഷേധങ്ങളും ഉയരുന്നുണ്ട്.

ഇൻഡോറിലെ ഒരു ഇന്ത്യൻ സർജൻ 20,000 കിലോമീറ്റർ അകലെയിരുന്ന് ലോകത്തിലെ ഏറ്റവും ദൂരമേറിയ ‘റോബോട്ടിക് കാർഡിയാക് ടെലിസർജറി’ (ഹൃദയ ശസ്ത്രക്രിയ) വിജയകരമായി പൂർത്തിയാക്കി ലോക റെക്കോർഡ് കുറിച്ചു.

കേരളത്തിൽ കാലവർഷം കനത്തതിനെ തുടർന്ന് കേന്ദ്ര കാലാവസ്ഥാ വകുപ്പ് ഇന്ന് (2026 ജൂൺ 9) വിവിധ ജില്ലകളിൽ ശക്തമായ മഴ മുന്നറിയിപ്പുകൾ പുറപ്പെടുവിച്ചിട്ടുണ്ട്. വടക്കൻ കേരളത്തിൽ ഇന്നു ശക്തമായ മഴക്ക് സാധ്യത.
. കോഴിക്കോട്, കണ്ണൂർ, കാസർകോട് ജില്ലകളിൽ​ റെഡ് അലർട്ട് .
​വിശദാംശം: ഈ ജില്ലകളിൽ 24 മണിക്കൂറിൽ 204.4 മില്ലിമീറ്ററിൽ കൂടുതൽ അതിതീവ്രമായ മഴ ലഭിക്കാൻ സാധ്യതയുണ്ട്.ഈ മൂന്ന് ജില്ലകളിലെയും വിദ്യാഭ്യാസ സ്ഥാപനങ്ങൾക്ക് ഇന്ന് അവധി പ്രഖ്യാപിച്ചിട്ടുണ്ട്.
ഓറഞ്ച് അലർട്ട് (അതിശക്തമായ മഴ –
​ജില്ലകൾ: മലപ്പുറം, വയനാട്.

​മഞ്ഞ അലർട്ട്
​ജില്ലകൾ: പത്തനംതിട്ട, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്.

തിരുവനന്തപുരം, കൊല്ലം, ആലപ്പുഴ ജില്ലകളിൽ നിലവിൽ പ്രത്യേക അലർട്ടുകൾ ഇല്ല.

മത്സ്യത്തൊഴിലാളി ജാഗ്രത നിർദ്ദേശം
​കേരള-കർണാടക തീരങ്ങളിലും ലക്ഷദ്വീപ് പ്രദേശങ്ങളിലും
മത്സ്യബന്ധനത്തിന് പോകാൻ പാടുള്ളതല്ല.
കടലാക്രമണം ശക്തമാകാൻ സാധ്യതയുള്ളതിനാൽ തീരദേശവാസികളും, ഉരുൾപൊട്ടൽ-മണ്ണൊലിപ്പ് സാധ്യതയുള്ളതിനാൽ മലയോര മേഖലയിലുള്ളവരും അതീവ ജാഗ്രത പാലിക്കണം.

​വയനാട് ജില്ലയിൽ രണ്ട് കുട്ടികൾക്ക് ഷിഗെല്ല ബാക്ടീരിയ അണുബാധ സ്ഥിരീകരിച്ചു. കടുത്ത വയറിളക്കം, പനി, വയറുവേദന എന്നിവയാണ് പ്രധാന ലക്ഷണങ്ങൾ. മലിനമായ വെള്ളത്തിലൂടെയും ഭക്ഷണത്തിലൂടെയും പകരുന്ന രോഗമായതിനാൽ ആളുകൾ ജാഗ്രത പാലിക്കാൻ നിർദ്ദേശമുണ്ട്.

​ മഞ്ചേശ്വരം പുത്തിഗെ അംഗഡിമൊഗർ ഗവൺമെന്റ് ഹയർ സെക്കൻഡറി സ്കൂളിന് മുന്നിൽ സി.പി.എം ലോക്കൽ കമ്മിറ്റിയുടെ പേരിൽ ചുവന്ന കമാനം സ്ഥാപിച്ചതുമായി ബന്ധപ്പെട്ട് കാസർകോട് ജില്ലാ പഞ്ചായത്ത് യോഗത്തിൽ ഭരണ-പ്രതിപക്ഷാംഗങ്ങൾ തമ്മിൽ രൂക്ഷമായ തർക്കമുണ്ടായി.