കൊച്ചി: നടന് സലിം കുമാറിനെ ആശുപത്രിയില് പ്രവേശിപ്പിച്ചു. കൊച്ചിയിലെ അമൃത ആശുപത്രിയില് പ്രവേശിപ്പിച്ച അദ്ദേഹത്തെ ആരോഗ്യസ്ഥിതി മോശമായതിനെ തുടര്ന്ന് വെന്റിലേറ്ററിലേക്ക് മാറ്റിയെന്നാണ് വിവരം. നിലവില് വിദഗ്ധസംഘത്തിന്റെ നിരീക്ഷണത്തില് കഴിയുകയാണ് താരം.
കഴിഞ്ഞ കുറച്ച് ദിവസങ്ങളായി വിവിധ ആരോഗ്യപ്രശ്നങ്ങളെ തുടര്ന്ന് നടന് ചികിത്സയിലായിരുന്നുവെന്നും റിപ്പോര്ട്ടുണ്ട്. എന്നാല് അദ്ദേഹത്തിന്റെ ആരോഗ്യനില സംബന്ധിച്ച കൂടുതല് വിവരങ്ങള് ആശുപത്രി അധികൃതരോ കുടുംബാംഗങ്ങളോ പുറത്തുവിട്ടിട്ടില്ല.
കഴിഞ്ഞ കുറച്ചു വര്ഷങ്ങളായി കരള് സംബന്ധമായ അസുഖത്തിന് ചികിത്സയിലായിരുന്നു. തനിക്ക് ലിവര് സിറോസിസ് എന്ന രോഗം വന്നത് മദ്യപാനം കൊണ്ടല്ലെന്നും അത് പാരമ്പര്യമായി കിട്ടിയതാണെന്നും അദ്ദേഹം പറഞ്ഞിരുന്നു. ഒരു ചായ പോലും കുടിക്കാത്ത തന്റെ സഹോദരനും ഇതേ അസുഖമായിരുന്നുവെന്നും സലിം കുമാര് പറഞ്ഞിരുന്നു.
വി.ഡി സതീശന് മുഖ്യമന്ത്രിയായ സമയത്ത് സലിം കുമാര് ആശംസയുമായി എത്തിയിരുന്നു. പറവൂര് പൗരാവലി നല്കിയ സ്വീകരണത്തില് പുഞ്ചിരിക്കുന്ന മുഖമുള്ള ഒരു മുഖ്യമന്ത്രിയെ കേരളത്തിന് നല്കിയെന്ന് പറവൂര്കാര്ക്ക് അഭിമാനത്തോടു കൂടി പറയാമെന്ന് സലിം കുമാര് പറഞ്ഞിരുന്നു.
