കാഞ്ഞങ്ങാട്: ഹയർ സെക്കണ്ടറി പരീക്ഷയിൽ 1200 ൽ 1199 മാർക്ക് വാങ്ങി ഉന്നത വിജയം കരസ്ഥമാക്കിയ ഹോസ്ദൂർഗ് ഗവ. ഹയർ സെക്കണ്ടറി സ്കൂൾ കൊമേഴ്സ് വിദ്യാർത്ഥിനി പുല്ലൂർ കേദാരത്തിലെ കെ വരലക്ഷ്മിയെ എകെഎസ്ടിയു നേതാക്കൾ വീട്ടിലെത്തി അനുമോദിച്ചു. എകെ എസ്ടിയു നേതാക്കളായ സുനിൽകുമാർ കരിച്ചേരി, ടി എ അജയകുമാർ, ഒ പ്രതീഷ് എന്നിവർ ഉപഹാരം കൈമാറി. എ കെ എസ് ടി യു അംഗം സംഗീതാധ്യാപകൻ ടി പി സോമശേഖരൻ്റേയും കെ സിന്ധുവിൻ്റേയും മകളാണ് വരലക്ഷ്മി.