ന്യൂവർക്ക് (ന്യൂജേഴ്സി): ഡെലാനി ഹാൾ ഇമിഗ്രേഷൻ തടങ്കൽ കേന്ദ്രത്തിന് പുറത്ത് തുടർച്ചയായ രണ്ടാം രാത്രിയിലും പ്രതിഷേധക്കാരും ന്യൂജേഴ്സി സ്റ്റേറ്റ് പൊലീസും തമ്മിൽ ശക്തമായ ഏറ്റുമുട്ടലുണ്ടായി. ബാരിക്കേഡുകൾ തകർത്ത പ്രതിഷേധക്കൂട്ടത്തിന് നേരെ പൊലീസ് കണ്ണീർവാതകം പ്രയോഗിച്ചു.
തടങ്കൽ കേന്ദ്രത്തിനുള്ളിലെ മോശം സാഹചര്യങ്ങൾക്കെതിരെ ഇമിഗ്രേഷൻ വിരുദ്ധ ഗ്രൂപ്പുകളും അനുകൂലികളും തമ്മിൽ ശനിയാഴ്ച പകൽ വലിയ പ്രതിഷേധ പ്രകടനങ്ങൾ നടന്നിരുന്നു. തുടർന്ന് രാത്രിയോടെ സ്ഥിതിഗതികൾ നിയന്ത്രണാതീതമായി. ആയുധങ്ങളുമായി ചിലരെ പൊലീസ് അറസ്റ്റ് ചെയ്തു.പൊതുജനസുരക്ഷ മുൻനിർത്തി തടങ്കൽ കേന്ദ്രത്തിന് ചുറ്റുമുള്ള അര മൈൽ പരിധിയിൽ ന്യൂവർക്ക് മേയർ റാസ് ജെ. ബരാക്ക രാത്രികാല കർഫ്യൂ പ്രഖ്യാപിച്ചു.. സമാധാനപരമായി പ്രതിഷേധിക്കാൻ ഗവർണർ ജനങ്ങളോട് ആവശ്യപ്പെട്ടിട്ടുണ്ട്.
