ശാസ്താംകോട്ട: ബൈക്ക് നിയന്ത്രണം വിട്ട് മതിലിലേക്ക് ഇടിച്ചുകയറി 24 കാരന് മരിച്ചു. ശൂരനാട് തെക്ക് തൃക്കുന്നപ്പുഴ തെക്ക് ചെറുകര കൗസ്തുഭം വീട്ടില് ശ്രീഹരി (24) ആണു മരിച്ചത്. ഇന്ന് രാവിലെ കൊല്ലം- തേനി ദേശീയപാതയില് ഭരണിക്കാവ് ജംക്ഷനു സമീപം കടപുഴ റോഡിലാണ് അപകടം.
അപകടത്തില് തലയ്ക്കു ഗുരുതരമായി പരിക്കേറ്റ ശ്രീഹരിയെ ഓടിയെത്തിയ പ്രദേശവാസികള് ശാസ്താംകോട്ടയിലെ സ്വകാര്യ ആശുപത്രിയില് എത്തിച്ചെങ്കിലും മരണം സംഭവിച്ചു. കൂടെയുണ്ടായിരുന്ന സുഹൃത്തിന് പരിക്കേറ്റു. ഇയാളെ ആശുപത്രിയില് പ്രവേശിപ്പിച്ചു.
