കാസര്കോട്: യു ഡി എഫ് സര്ക്കാര് അധികാരമേറ്റതില് ആഹ്ലാദം പ്രകടിപ്പിട്ട് മുസ്ലീംലീഗ് പ്രവര്ത്തകര് ബേക്കലില് നടത്തിയ പ്രകടനം അതിരുവിട്ടു. പൊലീസിന്റെ നിര്ദ്ദേശം ലംഘിച്ച് പടക്കം പൊട്ടിക്കുകയും ഗതാഗതം തടസ്സപ്പെടുത്തുകയും ചെയ്തതിന് 16 പേര്ക്കെതിരെ ബേക്കല് പൊലീസ് സ്വമേധയാ കേസെടുത്തു.
ബേക്കല് എസ് ഐ അഖില് സെബാസ്റ്റ്യന്റെ പരാതിപ്രകാരം മുസ്ലീംലീഗ് പ്രവര്ത്തകരായ മുഹമ്മദ് കുഞ്ഞി, സുബൈര്, അബ്ദുല് റഹ്മാന്, അബ്ദുല്ല കോട്ടക്കുന്ന്, എ സി അബ്ദുള്ള, അഷ്റഫ്, കണ്ടാല് അറിയാവുന്ന മറ്റു പത്തുപേര് എന്നിവര്ക്കെതിരെയാണ് കേസെടുത്തത്. ബുധനാഴ്ച രാത്രി 8.15 മണിയോടെയാണ് കേസിനാസ്പദമായ സംഭവം. പൊലീസിന്റെ അനുമതി ഇല്ലാതെ മൈക്ക് സെറ്റുകള് ഉപയോഗിച്ച് ശബ്ദ ശല്യം ഉണ്ടാക്കുകയും നിയമവിരോധമായി സംഘം ചേര്ന്ന് പൊതുജനങ്ങള്ക്കും വാഹനങ്ങള്ക്കും ബുദ്ധിമുട്ടുണ്ടാകുന്ന തരത്തില് പ്രകടനം നടത്തിയെന്നും ബേക്കല് പൊലീസ് രജിസ്റ്റര് ചെയ്ത കേസില് പറയുന്നു.
ബിജെപി കേരള രാഷ്ട്രീയത്തിലെ തിരുത്തൽ ശക്തി : എംഎൽ അശ്വിനി
Thursday, 18 June 2026, 22:21
