കാസര്‍കോട്: കോട്ടക്കണി സ്വദേശിയായ 24 കാരനെ മംഗളൂരുവിലെ താമസ സ്ഥലത്ത് തൂങ്ങിമരിച്ച നിലയില്‍ കണ്ടെത്തി. ബാലകൃഷ്ണയുടെയും ശശികലയുടെയും മകന്‍ സോനാല്‍(24) ആണ് മരിച്ചത്. എംബിഎ പഠനത്തിന് ശേഷം സുഹൃത്തുക്കള്‍ക്കൊപ്പം ബെഡ്ഷീറ്റ് വ്യാപാരസ്ഥാപനം നടത്തിവരികയായിരുന്നു സോനാല്‍. ശനിയാഴ്ച വൈകീട്ട് സുഹൃത്തുക്കള്‍ പുറത്തുപോയ സമയത്താണ് താമസ സ്ഥലത്തെ മുറിയില്‍ തൂങ്ങിയത്. രാത്രി 9 മണിയോടെ വീട്ടുകാര്‍ക്ക് മരിച്ചതായി വിവരം ലഭിച്ചു. മംഗളൂരുവിലെ ആശുപത്രിയില്‍ പോസ്റ്റുമോര്‍ട്ടത്തിന് ശേഷം മൃതദേഹം ഉച്ചകഴിഞ്ഞ് കോട്ടക്കണിയിലെ വീട്ടിലെത്തിക്കും. തുടര്‍ന്ന് സംസ്‌കാരം നടക്കും. സഹോദരങ്ങള്‍: ശാലിനി. സ്‌നേഹ.