കാസർകോട്:കഴിഞ്ഞ കാലവർഷത്തിൽ മണ്ണിടിച്ചിൽ ഉണ്ടായ വീരമല കുന്നിൽ ദേശീയപാത നിർമ്മാണപുരോഗതി ജില്ലാ കളക്ടർ അർജുൻ പാണ്ഡ്യന്റെ നിർദ്ദേശമനുസരിച്ചു കാഞ്ഞങ്ങാട് ആർ ഡി ഒ കെ ആർ മനോജ് സ്ഥലം സന്ദർശിച്ചു വിലയിരുത്തി. റോഡ് നിർമ്മാണ പ്രവർത്തനം വേഗത്തിൽ ആക്കുന്നതിന് കൂടുതൽ യന്ത്രങ്ങൾ ഉപയോഗിക്കാൻ ആർ ഡി കരാറുകാർക്കു നിർദേശം നൽകി. മെയ് 20നകം നിർമ്മാണം പൂർത്തീകരിക്കാൻ ജില്ലാ കലക്ടർ നേരത്തെ നടത്തിയ സ്ഥലസന്ദർശനത്തിൽ നിർദ്ദേശിച്ചിരുന്നു. വീരമലക്കുന്നിൽ തട്ടുകളായി തിരിച്ച് മണ്ണിടിച്ചിൽ തടയുന്നതിനുള്ള നടപടികളാണ് പുരോഗമിക്കുന്നത്.