ന്യൂഡല്ഹി: മുഖ്യമന്ത്രി വി.ഡി സതീശന് പ്രധാനമന്ത്രി നരേന്ദ്ര മോദി ആശംസകള് നേര്ന്നു. എക്സില് മലയാളത്തില് പങ്കുവച്ച കുറിപ്പിലാണ് മോദി ആശംസകള് അറിയിച്ചത്. പുതിയ സര്ക്കാരിന് കേന്ദ്രസര്ക്കാരിന്റെ എല്ലാ പിന്തുണയുമുണ്ടാകുമെന്ന് മോദി ഉറപ്പു നല്കി.
‘കേരളത്തിന്റെ മുഖ്യമന്ത്രിയായി സത്യപ്രതിജ്ഞ ചെയ്ത വി.ഡി സതീശന് ജി ക്ക് ഹൃദയം നിറഞ്ഞ അഭിനന്ദനങ്ങള്. അദ്ദേഹത്തിന്റെ ഭരണകാലത്തിന് എന്റെ എല്ലാ ആശംസകളും നേരുന്നു. ജനങ്ങളുടെ ആഗ്രഹങ്ങള് സഫലീകരിക്കുന്നതിനായി, പുതുതായി രൂപീകൃതമായ കേരള ഗവണ്മെന്റിന് കേന്ദ്ര ഗവണ്മെന്റ് എല്ലാവിധ പിന്തുണയും ഉറപ്പുനല്കുന്നു’ – പ്രധാനമന്ത്രി പറഞ്ഞു.
