കണ്ണൂര്‍: പുതിയ വീടിന്റെ പ്രവേശനത്തിനുള്ള അവസാന ഒരുക്കങ്ങള്‍ക്കിടയില്‍ ഗൃഹനാഥന്‍ ഷോക്കേറ്റ് മരിച്ചു. കണ്ണൂര്‍, പള്ളിക്കുന്ന്, പൊടിക്കുണ്ട് രാമന്‍ തെരുവിലെ വയലിചേരി ഹൗസിലെ വി രാജേഷ് (52) ആണ് മരിച്ചത്.രാജേഷ് പുതുതായി പണിത വീടിന്റെ പ്രവേശന ചടങ്ങ് ഇന്നാണ് നടക്കേണ്ടിയിരുന്നത്. ഇതിനുള്ള ഒരുക്കങ്ങളെല്ലാം പൂര്‍ത്തിയായിരുന്നു. ഞായറാഴ്ച രാത്രി 10.15ന് പ്രവേശന ചടങ്ങിനു ഒരുക്കിയ പന്തലിന്റെ തൂണില്‍ നിന്നാണ് രാജേഷിനു ഷോക്കേറ്റത്. ഉടന്‍ പാപ്പിനിശ്ശേരിയിലെ ആശുപത്രിയില്‍ എത്തിച്ചുവെങ്കിലും രക്ഷിക്കാനായില്ല.
ഭാര്യ: ശ്രീജ, മകന്‍: ആദിത്ത് രാജേഷ്.