കാസർകോട്:ഏഷ്യൻ ടൂർസ് ആന്റ് ട്രാവൽസ് അവതരിപ്പിക്കുന്ന ഉപ്പള എക്സ്പോ പൊതുജനങ്ങളുടെ അഭ്യർത്ഥനമാനിച്ച് മെയ് 29 വരെ നീട്ടിയതായി ബന്ധപ്പെട്ടവർ അറിയിച്ചു.
കൈക്കമ്പ ദേശീയ പാതയോരത്ത് ഏപ്രിൽ 24ന് ആരംഭിച്ച എക്സ്പോയിൽ അഭൂതപൂർവമായ തിരക്കാണ് അനുഭവപ്പെടുന്നത്.
രാത്രി എട്ട് മുതൽ 10.30 വരെ ദിവസവും മലയാളത്തിലെ പ്രശസ്തരായ കലാകാരന്മാരെ അണിനിരത്തിയുള്ള കലാ സാംസ്കാരിക പരിപാടികൾക്ക് മികച്ച പ്രതികരണമാണ് ലഭിക്കുന്നതെന്ന് സംഘാടകർ പറഞ്ഞു.
കുട്ടികൾക്കും മുതിർന്ന വർക്കും വൈവിധ്യമാർന്ന മത്സര പരിപാടികളും തത്സമയ സമ്മാന
വിതരണവും നടന്നു വരുന്നു.
വ്യത്യസ്തങ്ങളായ പൂച്ചെടികളുടെ പ്രദർശനവും ശ്രദ്ധേയമാണ്.
കൂടാതെ സ്റ്റാളുകളും ഫുഡ് കോർട്ടുകളും ഒരുക്കിയിട്ടുണ്ട്.
മെയ് 11 വരെയായിരുന്നു നേരത്തെ നിശ്ചയിച്ചിരുന്നത്.