എറണാകുളം: കാനഡയില് തോളെല്ലിന് ശസ്ത്രക്രിയ നടത്തി ആശുപത്രി വിട്ട മലയാളി യുവതി ഉറക്കത്തിനിടെ മരിച്ചു. കൊച്ചി സ്വദേശിയായ നമിത(35) യാണ് മരിച്ചത്. ആശുപത്രിയിലെ ചികിത്സാ പിഴവാണ് മരണ കാരണമെന്ന് ഭര്ത്താവ് ജിതിന് ജേക്കബ് തോമസ് ആരോപിച്ചു. പ്രിന്സ് ജോര്ജിലെ ആശുപത്രിയില് മെയ് ആറിനാണ് നമിതയുടെ ശസ്ത്രക്രിയ നടന്നത്.
നേരത്തെ അപസ്മാരത്തിന് ശസ്ത്രക്രിയയ്ക്ക് വിധേയ ആയിട്ടുള്ള നമിതയ്ക്ക് ശരിയായ പരിചരണം ലഭിച്ചില്ലെന്നും ജിതിന് പറയുന്നു. ആശുപത്രിയില് നിന്ന് ഡിസ്ചാര്ജായി വീട്ടിലെത്തി ഉറക്കത്തിനിടെയാണ് നമിത മരിച്ചത്. രാവിലെയാണ് നമിതയുടെ മരണം വീട്ടുകാര് അറിയുന്നത്. സംസ്കാരം കാനഡയില് തന്നെ നടത്താനാണ് കുടുംബത്തിന്റെ തീരുമാനം. നമിതയ്ക്ക് അഞ്ചുവയസ്സുള്ള മകളുണ്ട്.
