മംഗളുരു : കർണാടകയിലെ മുരുഡേശ്വറി ലുണ്ടായ വാഹനാപകടത്തിൽ നീലേശ്വരത്തെ വിമുക്ത ഭടൻ സാഗർ നാഥ് (44) മരിച്ചു. കാറിലുണ്ടായിരുന്ന സ്ത്രീകളും കുട്ടിയും ഉൾപ്പെടെ 4 പേർക്ക് പരിക്കേറ്റു. കരുവാച്ചേരി എസ് എസ് കലാമന്ദിറിനടുത്തെ സത്യനാഥിന്റെ മകനാണു സാഗർനാഥ്. സഹപാഠിയും സുഹൃത്തുമായ നീലേശ്വരം രാജാസ് ഹയർ സെക്കൻഡറി സ്കൂളിലെ അധ്യാപകൻ പടിഞ്ഞാറ്റം കൊഴുവലിലെ ടിവി അവിനാഷ് , ഭാര്യ നീതു, നാലു വയസുള്ള മകൾ ആവണി, ഭാര്യാ മാതാവ് ജാനകി, എന്നിവർക്കാണ് പരിക്കേറ്റത്.
ഇവരെ മംഗ്ലൂരുവിലെ ഫാദർ മുള്ളേഴ്സ് ആശുപത്രിയിൽ പ്രവേശിപ്പിച്ചു. തീർത്ഥാടനം കഴിഞ്ഞ് നാട്ടിലേക്ക് മടങ്ങുകയായിരുന്നു ഇരെന്നറിയുന്നു .
