കണ്ണൂര്: പിതാവിനെ വെട്ടി പരിക്കേല്പ്പിച്ച മകനെ കൈ ഞരമ്പ് മുറിച്ച് ആത്മഹത്യ ചെയ്ത നിലയില് കണ്ടെത്തി. കണ്ണൂര് ചെറുപുഴ പെരിങ്ങാലയില് ശനിയാഴ്ച രാത്രിയാണ് സംഭവം. പിതാവ് കൊന്നാങ്കല് രാഘവ (76)നെ ആണ് മകന് സനല് (45) വെട്ടിപ്പരിക്കേല്പ്പിച്ചത്. വീട്ടുകാരുടെ നിലവിളി കേട്ട് ഓടിയെത്തിയ സമീപവാസികള് ചേര്ന്ന് രാഘവനെ പരിയാരം മെഡിക്കല് കോളേജ് ആശുപത്രിയില് പ്രവേശിപ്പിച്ചു.
ഇന്ന് രാവിലെയാണ് സനലിനെ കൈ ഞരമ്പ് മുറിഞ്ഞ് രക്തം വാര്ന്ന് മരിച്ച നിലയില് കണ്ടെത്തിയത്. ആശുപത്രിയിലെത്തിച്ചെങ്കിലും മരിച്ചതായി ഡോക്ടര്മാര് സ്ഥിരീകരിച്ചു. സനലിന് മാനസികാസ്വാസ്ഥ്യം ഉണ്ടായിരുന്നതായി അയല്വാസികള് പറഞ്ഞു.
