കാസര്‍കോട്: പടക്കം വാങ്ങാന്‍ പണം നല്‍കാത്ത വിരോധം മൂലമെന്നു പറയുന്നു, യുവാവിനെ തടഞ്ഞു നിര്‍ത്തി ഇരുമ്പുവടികൊണ്ട് അടിച്ചു പരിക്കേല്‍പ്പിച്ചതായി പരാതി. ചെമ്പിരിക്ക എ എം ഹൗസിലെ അഹമ്മദ് മിഗ്ദാദ് (32) ആണ് അക്രമത്തിനു ഇരയായത്. ഇയാള്‍ നല്‍കിയ പരാതിയില്‍ ഇസ്മയില്‍, സുഹൈല്‍, സാദിഖ് എന്നിവര്‍ക്കെതിരെ മേല്‍പ്പറമ്പ് പൊലീസ് കേസെടുത്തു. കഴിഞ്ഞ ദിവസം രാത്രി 11 മണിയോടെ കീഴൂരിലാണ് കേസിനാസ്പദമായ സംഭവം. അഹമ്മദ് മി ഗ്ദാദിനെ തടഞ്ഞു നിര്‍ത്തിയ ശേഷം മൂവരും ചേര്‍ന്ന് ഇരുമ്പു വടികൊണ്ട് മൂക്കിനു അടിക്കുകയും കത്തികൊണ്ട് കൈക്കും പുറത്തും പരിക്കേല്‍പ്പിച്ചുവെന്നുമാണ് പരാതി. പടക്കം വാങ്ങുന്നതിനു പ്രതികള്‍ പണം ആവശ്യപ്പെട്ടിരുന്നുവെന്നും നല്‍കാത്ത വിരോധത്തിലാണ് ആക്രമിച്ചതെന്നു പരാതിയില്‍ കൂട്ടിച്ചേര്‍ത്തു.