കാസര്കോട്: 11 വയസ്സുള്ള പെണ്കുട്ടിയെ ലൈംഗികമായി പീഡിപ്പിച്ചുവെന്ന കേസിലെ പ്രതിയെ അഞ്ചുവര്ഷത്തെ കഠിന തടവും 10000 രൂപ പിഴയും ശിക്ഷിച്ചു. ചന്തേര, വടക്കേ തൃക്കരിപ്പൂര്, വെള്ളാപ്പ്, മീലിയാട്ടെ ഖദീജ മന്സിലില് അബ്ദുല് റഷീദി (56)നെയാണ് ഹൊസ്ദുര്ഗ്ഗ്, പോക്സോ സെപ്ഷ്യല് കോടതി ജഡ്ജി പി എം സുരേഷ് ശിക്ഷിച്ചത്. പിഴ അടച്ചില്ലെങ്കില് മൂന്നു മാസം അധിക തടവ് അനുഭവിക്കണമെന്ന് കോടതി വിധി പ്രസ്താവനയില് പറഞ്ഞു.
2024 മെയ് മൂന്നിനായിരുന്നു കേസിനാസ്പദമായ സംഭവം. ചന്തേര പൊലീസ് സ്റ്റേഷന് പരിധിയില് താമസിക്കുന്ന പെണ്കുട്ടിയാണ് പീഡനത്തിനു ഇരയായത്. പെണ്കുട്ടി പിതാവിന്റെ ഉടമസ്ഥതയിലുള്ള കടയില് ഒറ്റയ്ക്കായിരുന്ന സമയത്ത് സാധനം വാങ്ങാനെന്ന വ്യാജേന എത്തിയ പ്രതി പീഡിപ്പിക്കുകയായിരുന്നുവെന്നാണ് കേസ്. അന്ന് ചന്തേര എസ് ഐ ആയിരുന്ന എന് വിപിന് ആണ് കേസ് അന്വേഷിച്ച് കോടതിയില് കുറ്റപത്രം സമര്പ്പിച്ചത്. പ്രോസിക്യൂഷനുവേണ്ടി സ്പെഷ്യല് പബ്ലിക് പ്രോസിക്യൂട്ടര് എ ഗംഗാധരന് ഹാജരായി.
സുബ്ഹി നിസ്കാരത്തിന് പള്ളിയിലേക്ക് പോകുന്നതിനിടെ കുഴഞ്ഞു വീണ മുസ്ലിം ലീഗ് നേതാവ് മരിച്ചു
Thursday, 2 July 2026, 15:27
