ആലുവ: ആലുവ ദേശീയ പാതയിൽ ഇന്ന് വൈകിട്ട് ഇതര സംസ്ഥാനത്ത് നിന്നെത്തിയ ലോറി നിയന്ത്രണം വിട്ട് ബസ് സ്റ്റോപ്പിൽ പാഞ്ഞുകയറി മൂന്ന് പേർക്ക് പരിക്കേറ്റു.ബസ് സ്റ്റോപ്പും തൊട്ടടുത്തുണ്ടായിരുന്ന കടയും ലോറി തകർത്തു. ബസ് സ്റ്റോപ്പിന്റെ കോൺക്രീറ്റ് ഘടന ലോറിയിലേക്ക് വീണ് വാഹനത്തിനും കേടുപാടുകൾ സംഭവിച്ചു. പരിക്കേറ്റ മൂന്ന് പേരെ ആശുപത്രിയിൽ പ്രവേശിപ്പിച്ചിട്ടുണ്ടെങ്കിലും അവരുടെ നില ഗുരുതരമല്ലെന്നാണ് ലഭ്യമായ വിവരം. ബസ് സ്റ്റോപ്പിൽ കാത്തുനിന്നവർക്കാണോ അതോ ബൈക്കിൽ സഞ്ചരിച്ചവർക്കാണോ പരിക്കേറ്റതെന്ന് വ്യക്തമായിട്ടില്ല. പൊലീസ് അന്വേഷണം ആരംഭിച്ചു.