കൊച്ചി: രണ്ട് സ്ത്രീകളെയും മൂന്ന് കുട്ടികളേയും താമസസ്ഥലത്ത് മരിച്ചനിലയില്‍ കാണപ്പെട്ടു. എറണാകുളം വടുതലയില്‍ വാടക കെട്ടിടത്തിലെ താമസക്കാരാണ് മരിച്ചത്. ഇവര്‍ തിരുവനന്തപുരം സ്വദേശികളാണെന്ന് പറയുന്നു. ആത്മഹത്യയാണെന്നാണ് പ്രാഥമിക നിഗമനം. ആസ്റ്റര്‍ മെഡിസിറ്റിയില്‍ ചികിത്സയ്ക്ക് വന്നവരാണ് ഇവരെന്ന് സൂചനയുണ്ട്. മുറി വാടകയ്ക്കെടുത്ത് താമസിക്കുകയായിരുന്നു. ഒരു കുടുംബത്തിലെ അഞ്ചുപേരാണ് ഇവരെന്ന് പറയുന്നു. രണ്ടുമാസമായി ഇവര്‍ ഇവിടെ വാടകയ്ക്ക് താമസിക്കുകയാണെന്ന് അയല്‍വാസി പറഞ്ഞു. പൊലീസ് സ്ഥലത്തെത്തി തുടര്‍നടപടികള്‍ ആരംഭിച്ചു. കൂടുതല്‍ വിവരങ്ങള്‍ പുറത്തുവന്നിട്ടില്ല. അന്വേഷണം തുടര്‍ന്നുകൊണ്ടിരിക്കുകയാണെന്ന് പൊലീസ് അറിയിച്ചു.