പശ്ചിമേഷ്യയിൽ യുദ്ധഭീതി: ഇറാൻ-ഇസ്രായേൽ സംഘർഷം അതീവ ഗുരുതരമായി തുടരുന്നു. ഒമാൻ തീരത്ത് എണ്ണ ടാങ്കറിന് നേരെയുണ്ടായ ഇറാൻ ആക്രമണത്തിൽ ഒരു ഇന്ത്യക്കാരൻ കൊല്ലപ്പെട്ടതായി റിപ്പോർട്ടുണ്ട്.
ഇറാൻ്റെ മിസൈൽ ആക്രമണങ്ങളെത്തുടർന്ന് യു.എ.ഇ അടക്കമുള്ള രാജ്യങ്ങൾ അതീവ ജാഗ്രതയിലാണ്.
ദുബായ് വിമാനത്താവളം ഭാഗികമായി പ്രവർത്തനം പുനരാരംഭിച്ചു. സ്വകാര്യ മേഖലയിൽ വർക്ക് ഫ്രം ഹോം നിർദ്ദേശിച്ചു.
ഇറാനിലെ സൈനിക നടപടി ഭരണമാറ്റത്തിനല്ലെന്നും എന്നാൽ മുന്നറിയിപ്പുകൾ അവഗണിച്ചാൽ ശക്തമായ നീക്കം തുടരുമെന്നും അമേരിക്കൻ പ്രസിഡന്റ് ഡൊണാൾഡ് ട്രംപ് വ്യക്തമാക്കി.
.
പശ്ചിമേഷ്യൻ സംഘർഷം കാരണം ആഗോള വിപണിയിൽ എണ്ണവില കുതിച്ചുയരുന്നു. ഇത് ഇന്ത്യയിൽ ഇന്ധന പ്രതിസന്ധിക്കും. വിലക്കയറ്റത്തിനും കാരണമായേക്കുമെന്ന് ആശങ്കയുണ്ട്.
സ്വർണ്ണവില ആഗോള തലത്തിൽ വർധിക്കുന്നെങ്കിലും കേരളത്തിൽ ഇന്നലെ വില കുറഞ്ഞു.
ഗൾഫ് മേഖലയിലെ യുദ്ധസാഹചര്യം കാരണം നിരവധി വിമാനങ്ങൾ റദ്ദാക്കി. ഇതേത്തുടർന്ന് നാട്ടിലേക്ക് വരാനിരുന്ന പ്രവാസികളും വിദേശ വിനോദസഞ്ചാരികളും വിവിധയിടങ്ങളിൽ കുടുങ്ങിക്കിടക്കുകയാണ്.
ഇന്ന് വർഷത്തിലെ ആദ്യത്തെ പൂർണ്ണ ചന്ദ്രഗ്രഹണം നടക്കും. ചന്ദ്രൻ ചുവപ്പ് നിറത്തിൽ ദൃശ്യമാകുന്ന ‘ബ്ലഡ് മൂൺ’ പ്രതിഭാസമാണിത്.
ഉച്ചയ്ക്ക് 3:20-ന് ആരംഭിച്ച് വൈകുന്നേരം 6:47-ന് അവസാനിക്കും.
ഇന്ത്യയിൽ വൈകുന്നേരം ചന്ദ്രോദയ സമയത്ത് ഇന്ത്യയുടെ ഭൂരിഭാഗം പ്രദേശങ്ങളിലും ഇതിന്റെ അവസാന ഘട്ടം കാണാൻ സാധിക്കും. വടക്കുകിഴക്കൻ സംസ്ഥാനങ്ങളിലാണ് ഏറ്റവും വ്യക്തമായി ദൃശ്യമാകുക.
ഹോളിയോട് അനുബന്ധിച്ചാണ് ഇത്തവണ ചന്ദ്രഗ്രഹണം വരുന്നത് എന്നത് ഇതിന്റെ പ്രാധാന്യം വർദ്ധിപ്പിക്കുന്നു.
പശ്ചിമേഷ്യൻ സംഘർഷം വിമാന സർവീസുകളിൽ മാറ്റം.
ഇസ്രായേൽ-ഇറാൻ യുദ്ധസാഹചര്യം കണക്കിലെടുത്ത് ഗൾഫ് മേഖലയിലേക്കുള്ള വിമാന സർവീസുകളിൽ വലിയ മാറ്റങ്ങൾ തുടരുന്നു.
എയർ ഇന്ത്യ മിഡിൽ ഈസ്റ്റിലേക്കും തിരിച്ചുമുള്ള സർവീസുകൾ താൽക്കാലികമായി നിർത്തിവെച്ച നടപടി ഇന്ന് (മാർച്ച് 3) വരെ നീട്ടി.
പ്രത്യേക സർവീസുകൾ: ജിദ്ദ പോലുള്ള സ്ഥലങ്ങളിൽ കുടുങ്ങിക്കിടക്കുന്ന ഇന്ത്യക്കാരെ നാട്ടിലെത്തിക്കാൻ ഇൻഡിഗോ അടക്കമുള്ള വിമാനക്കമ്പനികൾ പ്രത്യേക സർവീസുകൾ ആരംഭിച്ചിട്ടുണ്ട്.
മാർച്ച് മാസം ആരംഭിച്ചതോടെ എൽ.പി.ജി സിലിണ്ടർ വില, യു.പി.ഐ പേയ്മെന്റ് നിയമങ്ങൾ എന്നിവയിലെ മാറ്റങ്ങൾ പ്രാബല്യത്തിൽ വന്നു.
തിരുവനന്തപുരത്ത് ഇന്ന് ആറ്റുകാൽ പൊങ്കാല നടക്കുന്നു. നഗരത്തിൽ പ്രാദേശിക അവധി പ്രഖ്യാപിച്ചിട്ടുണ്ട്.
നയതന്ത്രം: യു.എസ് അസിസ്റ്റന്റ് സെക്രട്ടറി ഓഫ് സ്റ്റേറ്റ് എസ്. പോൾ കപൂർ ഇന്ന് ഇന്ത്യയിലെത്തി. പ്രാദേശിക സുരക്ഷയെക്കുറിച്ചും ഇന്തോ-പസഫിക് മേഖലയിലെ സഹകരണത്തെക്കുറിച്ചും ഇന്ത്യൻ അധികൃതരുമായി ചർച്ച നടത്തും.
ഇന്ന് ഈ വർഷത്തെ ആദ്യത്തെ പൂർണ്ണ ചന്ദ്രഗ്രഹണം നടക്കും. ചന്ദ്രൻ ചുവപ്പ് നിറത്തിൽ ദൃശ്യമാകുന്ന ‘ബ്ലഡ് മൂൺ’ പ്രതിഭാസമാണിത്.
ഉച്ചയ്ക്ക് 3:20-ന് ആരംഭിച്ച് വൈകുന്നേരം 6:47-ന് അവസാനിക്കും.
ഇന്ത്യയിൽ വൈകുന്നേരം ചന്ദ്രോദയ സമയത്ത് ഇന്ത്യയുടെ ഭൂരിഭാഗം പ്രദേശങ്ങളിലും ഇതിന്റെ അവസാന ഘട്ടം കാണാൻ സാധിക്കും. വടക്കുകിഴക്കൻ സംസ്ഥാനങ്ങളിലാണ് ഏറ്റവും വ്യക്തമായി ദൃശ്യമാകുക.
ഹോളിയോട് അനുബന്ധിച്ചാണ് ഇത്തവണ ചന്ദ്രഗ്രഹണം വരുന്നത്.
പശ്ചിമേഷ്യൻ വിമാന സർവീസുകളിൽ മാറ്റം.
ഇസ്രായേൽ-ഇറാൻ യുദ്ധസാഹചര്യം കണക്കിലെടുത്ത് ഗൾഫ് മേഖലയിലേക്കുള്ള വിമാന സർവീസുകളിൽ വലിയ മാറ്റങ്ങൾ തുടരുന്നു.
എയർ ഇന്ത്യ: മിഡിൽ ഈസ്റ്റിലേക്കും തിരിച്ചുമുള്ള സർവീസുകൾ താൽക്കാലികമായി നിർത്തിവെച്ച നടപടി ഇന്ന് (മാർച്ച് 3) വരെ നീട്ടി.
ജിദ്ദ പോലുള്ള സ്ഥലങ്ങളിൽ കുടുങ്ങിക്കിടക്കുന്ന ഇന്ത്യക്കാരെ നാട്ടിലെത്തിക്കാൻ ഇൻഡിഗോ അടക്കമുള്ള വിമാനക്കമ്പനികൾ പ്രത്യേക സർവീസുകൾ ആരംഭിച്ചിട്ടുണ്ട്.
തിരുവനന്തപുരത്ത് ആറ്റുകാൽ പൊങ്കാലപ്രമാണിച്ച് പ്രാദേശിക അവധി പ്രഖ്യാപിച്ചിട്ടുണ്ട്.
യു.എസ് അസിസ്റ്റന്റ് സെക്രട്ടറി ഓഫ് സ്റ്റേറ്റ് എസ്. പോൾ കപൂർ ഇന്ന് ഇന്ത്യയിലെത്തി. പ്രാദേശിക സുരക്ഷയെക്കുറിച്ചും ഇന്തോ-പസഫിക് മേഖലയിലെ സഹകരണത്തെക്കുറിച്ചും ഇന്ത്യയുമായി ചർച്ച നടത്തും.
സംസ്ഥാനത്തിന്റെ പേര് ഔദ്യോഗികമായി ‘കേരളം’ എന്നാക്കി മാറ്റാനുള്ള ശുപാർശയ്ക്ക് കേന്ദ്ര മന്ത്രിസഭ അംഗീകാരം നൽകി.
കേരള നിയമസഭ നേരത്തെ ഏകകണ്ഠമായി പാസാക്കിയ പ്രമേയത്തിന്മേലാണ് ഈ നടപടി. ഭരണഘടനയുടെ ഒന്നാം ഷെഡ്യൂളിൽ ഭേദഗതി വരുത്തുന്നതിനുള്ള ബില്ല് ഉടൻ പാർലമെന്റിൽ എത്തും.
ഇറാൻ-ഇസ്രായേൽ സംഘർഷം കടുക്കുന്ന സാഹചര്യത്തിൽ ഗൾഫ് രാജ്യങ്ങളിലുള്ള മലയാളികൾക്ക് സഹായമെത്തിക്കാൻ നോർക്ക പ്രത്യേക കോർഡിനേഷൻ ടീമുകൾ രൂപീകരിച്ചു. യുദ്ധം കാരണം യാത്ര തടസ്സപ്പെട്ടവരെയും മറ്റ് പ്രതിസന്ധികൾ നേരിടുന്നവരെയും സഹായിക്കുകയാണ് ലക്ഷ്യം.
വയനാട് ഉരുൾപൊട്ടൽ അതിജീവിച്ചവർക്കായി നിർമ്മിച്ച ടൗൺഷിപ്പിന്റെ ഒന്നാം ഘട്ടം ഉദ്ഘാടനം ചെയ്തു. 178 കുടുംബങ്ങൾക്കു പുതിയ വീടുകളുടെ താക്കോൽ കൈമാറി.
‘മഞ്ഞുമ്മൽ ബോയ്സ്’ സംവിധായകൻ ചിദംബരത്തിനെതിരെ നടിയുടെ പരാതിയിൽ പോലീസ് കേസെടുത്തു.
ഗ്ലോബൽ അയ്യപ്പ സംഗമത്തിന്റെ ചെലവ് സംബന്ധിച്ച കണക്കുകൾ ഹാജരാക്കാൻ തിരുവിതാംകൂർ ദേവസ്വം ബോർഡിനോട് ഹൈക്കോടതി നിർദ്ദേശിച്ചു.
ഇടുക്കിയിൽ പൂച്ചെടിക്കടിയിൽ ഒളിപ്പിച്ച താക്കോൽ ഉപയോഗിച്ച് വീട് തുറന്ന് 16 ലക്ഷം രൂപ കവർന്ന കള്ളനെ പോലീസ് തിരയുന്നു.
കാസർകോട് ജില്ലാ കലക്ടറായി അർജുൻ പാണ്ഡ്യൻ ഇന്ന് ചുമതലയേൽക്കും. നിലവിലുണ്ടായിരുന്ന കലക്ടർ കെ. ഇമ്പശേഖർ സ്ഥാനമൊഴിഞ്ഞതിനെത്തുടർന്നാണ് ഈ നിയമനം. ഇമ്പശേഖർ തന്റെ ഭരണകാലത്ത് ജില്ലയ്ക്ക് നിരവധി ദേശീയ-സംസ്ഥാന പുരസ്കാരങ്ങൾ നേടിക്കൊടുത്താണ് പടിയിറങ്ങുന്നത്.
രാവണീശ്വരം കുന്നുപാറ – പൊടിപ്പള്ളം റോഡിലെ പള്ളത്തുങ്കാൽ പാലം പുതുക്കിപ്പണിയുന്നതിന്റെ ഭാഗമായി ഇന്ന് മുതൽ ഈ റൂട്ടിൽ ഗതാഗത നിരോധനം ഏർപ്പെടുത്തി.
പള്ളിക്കര ഭാഗത്തുനിന്നു വരുന്നവർ പൊടിപ്പള്ളം – പാടിക്കാനം – തണ്ണോട്ട് റോഡ് ഉപയോഗിക്കണം.
രാമഗിരി ഭാഗത്തുള്ളവർ കീറ്റ്വളപ്പ് – ഒറവുംകര റോഡ് വഴി പോകേണ്ടതാണ്.
കാസർകോട് ജില്ലയിലെ വിവിധ തദ്ദേശ സ്ഥാപനങ്ങൾ അടുത്ത സാമ്പത്തിക വർഷത്തേക്കുള്ള ബജറ്റ് അവതരിപ്പിച്ചു.
കാസർകോട് നഗരസഭ ബസ് സ്റ്റാൻഡ്, മത്സ്യ മാർക്കറ്റ്, സ്റ്റേഡിയം നവീകരണം എന്നിവയ്ക്കാണ് മുൻഗണന നൽകുന്നത്.
കിനാനൂർ – കരിന്തളം പഞ്ചായത്ത് 41.98 കോടിയുടെ ബജറ്റിൽ ഉൽപ്പാദന മേഖലയ്ക്കും ലൈഫ് ഭവന പദ്ധതിക്കും ഊന്നൽ നൽകി.
പിലിക്കോട്: 40.7 കോടിയുടെ ബജറ്റിൽ കൃഷി, ആരോഗ്യം, മാലിന്യസംസ്കരണം എന്നിവയ്ക്കാണ് പ്രാധാന്യം നൽകിയിട്ടുള്ളത്.
ഉപ്പളയിൽ സിനിമാ സ്റ്റൈലിൽ നടന്ന ലഹരിവേട്ടയിൽ 38 ഗ്രാം എം.ഡി.എം.എ. പിടികൂടി. കാറിൽ കടത്തുകയായിരുന്ന ലഹരിമരുന്നുമായി രണ്ട് യുവാക്കളെ പോലീസ് അറസ്റ്റ് ചെയ്തു.
ശ്രീരാമനവമി രഥയാത്ര: ശ്രീരാമദാസ മിഷന്റെ ആഭിമുഖ്യത്തിലുള്ള രഥയാത്ര ഇന്ന് കാസർകോട് ജില്ലയിൽ പരിക്രമണം ആരംഭിക്കും.
നീലേശ്വരം നഗരസഭാ ബജറ്റ് :
നീലേശ്വരം നഗരസഭയുടെ അടുത്ത സാമ്പത്തിക വർഷത്തേക്കുള്ള ബജറ്റ് വൈസ് ചെയർമാൻ പി.പി. മുഹമ്മദ് റാഫി അവതരിപ്പിച്ചു.
നഗരസഭയുടെ പുതിയ ബസ് സ്റ്റാൻഡ് സമുച്ചയത്തിന്റെ പൂർത്തീകരണത്തിന് മുൻഗണന.
തരിശുരഹിത നീലേശ്വരം പദ്ധതിക്കായി കൂടുതൽ തുക വകയിരുത്തി.
പ്ലാസ്റ്റിക് മാലിന്യ സംസ്കരണത്തിനായി കൂടുതൽ തുമ്പൂർമുഴി മോഡൽ എയ്റോബിക് ബിന്നുകൾ സ്ഥാപിക്കും.
നീലേശ്വരത്തെ വിവിധ തറവാടുകളിലും കാവുകളിലും തെയ്യം മഹോത്സവങ്ങൾ പുരോഗമിക്കുന്നു.
പാലത്തടം തറവാട് തെയ്യം കെട്ടിൽ ഇന്ന് പ്രധാന തെയ്യക്കോലങ്ങൾ കെട്ടിയാടും.
ചാത്തമത്ത് ഭഗവതി ക്ഷേത്രത്തിലെ കളിയാട്ട മഹോത്സവത്തിന് മുന്നോടിയായുള്ള ഒരുക്കങ്ങൾ പൂർത്തിയായി വരുന്നു. വരും ദിവസങ്ങളിൽ ഇവിടെ വലിയ ജനത്തിരക്ക് പ്രതീക്ഷിക്കുന്നു.
ദേശീയപാത 66ലെ നീലേശ്വരം പള്ളിക്കര റെയിൽവേ മേൽപ്പാലം ഭാഗത്തെ നിർമ്മാണ പ്രവർത്തനങ്ങൾ അവസാന ഘട്ടത്തിലാണ്. സർവീസ് റോഡുകളിലെ കുഴികൾ അടയ്ക്കാൻ നിർദ്ദേശം നൽകിയിട്ടുണ്ട്.
നീലേശ്വരം രാജാസ് ഹയർ സെക്കൻഡറി സ്കൂൾ മൈതാനിയിൽ നടക്കുന്ന പ്രാദേശിക കായിക മേളയിൽ മികച്ച ജനകീയ പങ്കാളിത്തം.
നീലേശ്വരം കെ.എസ്.ഇ.ബി സെക്ഷൻ പരിധിയിൽ അറ്റകുറ്റപ്പണികൾക്കായി വൈദ്യുതി നിയന്ത്രണം.
ഭാരതീയ വിദ്യാനികേതൻ ജില്ലാ കലോത്സവത്തിൽ മഞ്ചേശ്വരം ഉപജില്ലയിലെ കുഞ്ചത്തൂർ ശ്രീ മഹാലിങ്കേശ്വര വിദ്യാനികേതൻ മികച്ച പ്രകടനം കാഴ്ചവെച്ചു. 299 പോയിന്റുകൾ നേടി സ്കൂൾ ജില്ലയിൽ രണ്ടാം സ്ഥാനം കരസ്ഥമാക്കി.
മഞ്ചേശ്വരം ബ്ലോക്ക് പഞ്ചായത്തിന് കീഴിലുള്ള വിവിധ ഗ്രാമപഞ്ചായത്തുകൾ വാർഷിക ബജറ്റുകൾ അവതരിപ്പിച്ചു വരികയാണ്. കുടിവെള്ള പദ്ധതികൾക്കും കൃഷിക്കും കൂടുതൽ പ്രാധാന്യം നൽകുന്ന പ്രഖ്യാപനങ്ങളാണ് ബജറ്റിലുള്ളത്.
സ്മാർട്ട് വില്ലേജ്: മഞ്ചേശ്വരം വില്ലേജ് ഓഫീസ് സ്മാർട്ട് ആക്കുന്നതിനുള്ള നടപടികൾ പുരോഗമിക്കുന്നു. നിലവിൽ ഭൂമി തരംമാറ്റ അപേക്ഷകളിൽ തീർപ്പുണ്ടാക്കാൻ പ്രത്യേക അദാലത്തുകൾ നടത്താൻ ജില്ലാ കലക്ടർ നിർദ്ദേശിച്ചിട്ടുണ്ട്.
