മലപ്പുറം: അമിതവേഗതയിലായിരുന്ന കാറിടിച്ച് കാല്നടയാത്രക്കാരന് മരിച്ചു. പൊന്നാനി നരിപ്പറമ്പിലാണ് സംഭവം. തമിഴ്നാട് കുംഭകോണം സ്വദേശി ഇളയരാജ (42) ആണ് മരിച്ചത്. അപകടത്തിന് പിന്നാലെ നിര്ത്താതെ പോയ കാര് തൊട്ടടുത്ത പ്രദേശത്ത് വച്ച് മറ്റൊരു സ്ത്രീയെയും ഇടിച്ചു പരിക്കേല്പ്പിച്ചു. ഇവരെ പൊന്നാനി ബെന്സി ആശുപത്രിയില് പ്രവേശിപ്പിച്ചു.
അപകടമുണ്ടാക്കിയ വാഹനം പിന്നീട് നാട്ടുകാര് പിടികൂടി പൊലീസില് ഏല്പ്പിച്ചു. സംഭവത്തില് പൊന്നാനി പൊലീസ് കേസെടുത്ത് അന്വേഷണം ആരംഭിച്ചു.
