കാസര്കോട്: ദേശീയപാതയില് സി പി സി ആര് ഐക്കു തൊട്ടു മുന്നില് ഫുട്ഓവര് ബ്രിഡ്ജ് അനുവദിച്ചു.
പ്രധാനമന്ത്രിക്കും ദേശീയപാത അതോറിറ്റിക്കും നിരന്തരം നടത്തിയ നിവേദനങ്ങളുടെ ഫലമാണിതെന്നു ഇതു സംബന്ധിച്ച അറിയിപ്പില് എന് എ നെല്ലിക്കുന്ന് എം എല് എ പറഞ്ഞു. അതിനുവേണ്ടി തന്നോടൊപ്പം പ്രയത്നിച്ച എം പി രാജ്മോഹന് ഉണ്ണിത്താനെ നെല്ലിക്കുന്ന് അനുസ്മരിച്ചു. 1916ല് പ്രധാനമന്ത്രി പങ്കെടുത്ത സി പി സി ആര് ഐയിലെ കിസാന് സമ്മാന് സമ്മേളനത്തില് പങ്കെടുക്കാനെത്തിയ കര്ഷകരുടെ യാത്രാക്ലേശം തിരിച്ചറിഞ്ഞാണ് ഈ ആവശ്യത്തിനൊപ്പം താന് എത്തിച്ചേര്ന്നതെന്നു നെല്ലിക്കുന്നു പറഞ്ഞു. ഇക്കാര്യത്തില് സി പി സി ആര് ഐ ഡയറക്ടറും മറ്റും വലിയ സഹായങ്ങള് ചെയ്തു. പ്രധാന മന്ത്രിയോടും കേന്ദ്ര സര്ക്കാരിനോടും ഇതിനുവേണ്ടി സഹകരിച്ച മുഴുവന് ആളുകളോടും നെല്ലിക്കുന്ന് നന്ദി അറിയിച്ചു.
സി പി സി ആര് ഐക്കു മുന്നില് ദേശീയപാതയ്ക്ക് ഫുട് ഓവര് ബ്രിഡ്ജ് അനുവദിച്ചു
Saturday, 21 February 2026, 15:44
