മംഗ്ളൂരു: ടിപ്പര് ലോറിയിലും പിക്കപ്പിലും വിദ്യാര്ത്ഥികളെ പഠനയാത്രക്ക് കൊണ്ടു പോയ സംഭവത്തില് പ്രധാന അധ്യാപകനെ സര്വ്വീസില് നിന്ന് സസ്പെന്റ് ചെയ്തു. ബെല്ത്തങ്ങാടി, താലൂക്കിലെ ബലേഞ്ച ഗവ. അപ്ഗ്രേഡ് ഹയര് പ്രൈമറി സ്കൂളിലെ പ്രധാനാധ്യാപകന് കിരണിനെയാണ് വിദ്യാഭ്യാസ വകുപ്പ് അധികൃതര് സസ്പെന്റ് ചെയ്തത്. വിദ്യാര്ത്ഥികളെ കയറ്റിക്കൊണ്ടു പോയ വാഹനങ്ങളുടെ ഡ്രൈവര്മാര്ക്കെതിരെ വേണൂര് പൊലീസ് കേസെടുത്തിട്ടുമുണ്ട്. ഫെബ്രുവരി ഒന്പതിനാണ് സംഭവം. നല്കൂരുവിലെ ഒരു ഫാമിലേക്കായിരുന്നു കുട്ടികളെയും കൊണ്ട് പഠനയാത്ര നടത്തിയത്. വിദ്യാര്ത്ഥികളെ ചരക്കു വാഹനങ്ങളില് കയറ്റുന്നതും തിരികെ കൊണ്ട് വന്ന് ഇറക്കുന്നതിന്റെയും ദൃശ്യങ്ങള് വൈറലായിരുന്നു. മാധ്യമങ്ങളില് വാര്ത്തയും വന്നു. ഇതോടെ വിദ്യാഭ്യാസ വകുപ്പ് ഉദ്യോഗസ്ഥര് വ്യാഴാഴ്ച സ്കൂളിലെത്തി അന്വേഷണം നടത്തിയിരുന്നു. അന്വേഷണ റിപ്പോര്ട്ടിന്റെ അടിസ്ഥാനത്തിലാണ് ഹെഡ്മാസ്റ്ററെ സസ്പെന്റ് ചെയ്തത്.
അസുഖത്തെ തുടര്ന്ന് ചികില്സയിലായിരുന്ന യുവതി മരിച്ചു
Wednesday, 17 June 2026, 16:33
