മലപ്പുറം : കേന്ദ്ര ബജറ്റിൽ സംസ്ഥാനത്തിനു അതിവേഗ റയിൽപാത പ്രഖ്യാപിച്ചില്ലെങ്കിലും അതിനുള്ള സമഗ്ര പദ്ധതി രൂപരേഖ തയ്യാറാക്കുന്നതിനുള്ള ഓഫീസ് മുൻനിശ്ചയം അനുസരിച്ച് പൊന്നാനിയിൽ ഇന്ന് തന്നെ തുറക്കുമെന്ന് മെട്രോമാൻ ഇ. ശ്രീധരൻ പ്രസ്താവിച്ചു. അതിവേഗ റെയിൽപാത ബജറ്റിൽ വരില്ലെന്ന് നേരത്തെ സൂചനയുണ്ടായിരുന്നു എന്ന് അദ്ദേഹം പറഞ്ഞു .സർവ്വേ നടത്തുന്നതിന് അക്കാര്യം ബജറ്റിൽ വരേണ്ട കാര്യമില്ല. പ്രോജക്ട് റിപ്പോർട്ട് തൻ്റെ മേൽനോട്ടത്തിൽ തയ്യാറാക്കണമെന്നാവശ്യപ്പെട്ടതു കേന്ദ്രറയിൽവേ മന്ത്രിയാണെന്ന് അദ്ദേഹം വെളിപ്പെടുത്തി. സംസ്ഥാനത്തു മുന്നും നാലും റയിൽ പാതക്കുള്ള സമഗ്ര പദ്ധതിരേഖ തയ്യാറാക്കിക്കൊണ്ടിരിക്കുകയാണ്. ഇതിനുള്ള സ്ഥലം ഏറ്റെടുക്കുന്നതിനു സംസ്ഥാന സർക്കാരിൻ്റെ സഹകരണം ആവശ്യമാണെന്നു മെട്രോമാൻ പറഞ്ഞു.