കാസര്കോട്: തൃശൂരില് നടക്കുന്ന സംസ്ഥാന സ്കൂള് കലോത്സവത്തില് കാസര്കോട് ജില്ലയ്ക്ക് അഭിമാനമായി പെരിയ ഗവണ്മെന്റ് ഹയര് സെക്കന്ഡറി സ്കൂളിലെ ദേവനന്ദയും പാര്വതിയും. ഹയര്സെക്കന്ഡറി വിഭാഗം ഹിന്ദി, ഇംഗ്ലീഷ് പദ്യം ചൊല്ലലിനാണ് എസ് പി ദേവനന്ദ എ ഗ്രേഡ് നേടിയത്. പ്ലസ് ടു കൊമേഴ്സ് വിദ്യാര്ത്ഥിനിയായ ദേവനന്ദ കനിയംകുണ്ടിലെ പി സതീശന്-എം ദീപ ദമ്പതികളുടെ മകളാണ്. എ കെ പാര്വ്വതി ഹിന്ദി പദ്യം ചൊല്ലലിലാണ് എ ഗ്രേഡ് നേടിയത്. പെരിയ, കൃഷ്ണകൃപയിലെ പരേതനായ കൃഷ്ണകുമാര് മാസ്റ്റര്-എ അംബിക ദമ്പതികളുടെ മകളായ പാര്വതി ഒമ്പതാംതരം വിദ്യാര്ഥിനിയാണ്. ഇരു വിദ്യാര്ത്ഥികളെയും സ്കൂള് അധികൃതര് അഭിനന്ദിച്ചു.
ഗോൾഡൻ കാരുണ്യ വർഷം: മസ്കറ്റ് കെ.എം.സി.സി. ധനസഹായം വിതരണം ചെയ്തു
Saturday, 14 March 2026, 20:16
