തൃശൂര്: മുഖ്യമന്ത്രി പിണറായി വിജയന്റെ കോലം ചങ്ങാടത്തില് കെട്ടിവെച്ച് തോട്ടിലൊഴുക്കി യൂത്ത് കോണ്ഗ്രസ് പ്രവര്ത്തകര് പ്രതിഷേധിച്ചു. തൃശൂര് മുണ്ടത്തിക്കോട് മണ്ഡലം കമ്മിറ്റിയാണ് പ്രതിഷേധം സംഘടിപ്പിച്ചത്. ഇടതുഭരണം നാടിനെ ദുരിതത്തിലാക്കിയെന്ന മുദ്രാവാക്യം മുഴക്കിയാണ് പ്രവര്ത്തകരുടെ പ്രതിഷേധം. കഴിഞ്ഞ 10 വര്ഷത്തെ എല്ഡിഎഫ് സര്ക്കാറിന്റെ ദുര്ഭരണത്തിനെതിരെയാണ് കോലം തോട്ടിലൊഴുക്കി പ്രതിഷേധിച്ചതെന്ന് നേതാക്കള് പറഞ്ഞു.
സമസ്ത മേഖലകളിലെയും വിലക്കയറ്റം കാരണം ജനജീവിതം പൊറുതിമുട്ടിയെന്നും എല്ഡിഎഫ് സര്ക്കാറിനെ ജനം താഴെയിറക്കുമെന്നും പ്രതിഷേധക്കാര് പറഞ്ഞു. പ്രതിഷേധത്തിന് ശേഷം ചങ്ങാടവും കോലവും തോട്ടില് നിന്നെടുത്ത് മാറ്റി.
