കാസർകോട്: സ്കൂട്ടിയിൽ ഓട്ടോയിടിച്ച് ഗുരുതരമായി പരിക്കേറ്റ മുൻ പ്രവാസി മരിച്ചു. ചെമ്പരിക്ക കുന്നിൽ ഹൗസിലെ കെ എ മുഹമ്മദ് കുഞ്ഞി(61) ആണ് മരിച്ചത്. ഈ മാസം 13ന് വൈകിട്ട് മേൽപ്പറമ്പ് ചെമ്പരിക്ക റോഡിൽ വച്ചാണ് അപകടമുണ്ടായത്. മുഹമ്മദ് കുഞ്ഞി സഞ്ചരിച്ച സ്കൂട്ടിയിൽ ഓട്ടോ ഇടിക്കുകയായിരുന്നു. ഗുരുതരമായി പരിക്കേറ്റ മുഹമ്മദ് കുഞ്ഞി കാസർകോട്ടെ സ്വകാര്യ ആശുപത്രിയിൽ ചികിത്സയിൽ ആയിരുന്നു. ശനിയാഴ്ച വൈകിട്ടോടെ മരണം സംഭവിച്ചു. പരേതരായ കെ അഹമ്മദിന്റെയും ആസിയാബിയുടെയും മകനാണ്. റഹ്മത്ത് ബീവിയാണ് ഭാര്യ. മക്കൾ: കെ എം അഹമ്മദ് ഹനീഫ്, കെഎം ഇബ്രാഹിം ബാദുഷ, സാഹിദ് മുബാറക്. മരുമക്കൾ: അർഷീന, ആസിയ. സഹോദരങ്ങൾ: അബ്ദുള്ള, പരേതയായ ദൈനബി.