പയ്യന്നൂർ: രാമന്തളിയിൽ ഒരു കുടുംബത്തിലെ നാല് പേരെ മരിച്ച നിലയിൽ കണ്ടെത്തി. വടക്കുമ്പാട് കെ ടി കലാധരൻ (38), അമ്മ ഉഷ (60), കലാധരന്റെ മക്കളായ ഹിമ (5), കണ്ണൻ (2) എന്നിവരെയാണ് മരിച്ച നിലയിൽ കണ്ടെത്തിയത്. ഉഷയെയും കലാധരനെയും തൂങ്ങി മരിച്ചനിലയിലും കുട്ടികൾ താഴെ കിടക്കുന്ന നിലയിലുമാണ് കണ്ടെത്തിയത്. കുട്ടികൾ ക്കു വിഷം നൽകി രണ്ടുപേരും ജീവനൊടുക്കിയതാകാം എന്നാണ് പൊലീസിന്റെ പ്രാഥമിക നിഗമനം. തിങ്കളാഴ്ച രാത്രി എട്ടുമണിയോടെയാണ് സംഭവം. വീട്ടിൽ വൈകിട്ട് ആരെയും കാണാതായതിനെ തുടർന്ന് കലാധരന്റെ പിതാവ് പൊലീസ് സ്റ്റേഷനിൽ പരാതി നൽകിയിരുന്നു. തുടർന്ന് നടത്തിയ പരിശോധനയിലാണ് നാലു പേരെയും മരിച്ച നിലയിൽ കണ്ടെത്തിയത്. വീട്ടിൽ നിന്ന് ആത്മഹത്യാക്കുറിപ്പും കണ്ടെത്തിയിട്ടുണ്ട്. കുടുംബ പ്രശ്നമാണ് മരണത്തിന് കാരണമെന്നാണ് പൊലീസ് പറയുന്നത്. കലാകാരനും ഭാര്യ നയൻതാരയും തമ്മിൽ കുടുംബകോടതിയിൽ കേസുണ്ട്. വിവരത്തെ തുടർന്ന് ജില്ലാ പൊലീസ് ചീഫ് അടക്കം മുതിർന്ന പൊലീസ് സ്ഥലത്തെത്തിയിട്ടുണ്ട്.