തിരുവനന്തപുരം: തദ്ദേശ തെരഞ്ഞെടുപ്പിൽ സംസ്ഥാന ത്തലത്തിൽ 73.69 ശതമാനം വോട്ടർമാർ സമ്മതിദാനം വിനിയോഗിച്ചു. ഇന്നലെ ഏഴു ജില്ലകളിൽ നടന്ന രണ്ടാം ഘട്ടം വോട്ടെടുപ്പിൽ 76.08 ശതമാനം വോട്ട് ചെയ്തു.ചൊവ്വാഴ്ച സംസ്ഥാനത്തെ ഏഴു തെക്കൻ ജില്ലകളിൽ നടന്ന വോട്ടെടുപ്പിൽ 70.91 ശതമാനമായിരുന്നു പോളിംഗ്. തദ്ദേശ തെരഞ്ഞെടുപ്പിൽ കേരളമൊട്ടാകെ 73.69 ശതമാനമാണ് പോളിംഗ്. അന്തിമ കണക്ക് ഇന്നു വ്യക്തമാക്കും..അതിൽ നേരിയ വ്യത്യാസമുണ്ടായേക്കും. ഇന്നലെ നടന്ന രണ്ടാംഘട്ട പോളിംഗ് ശതമാനം: 2020ലെ പോളിംഗ് ശതമാനം ബ്രായ്ക്കറ്റിൽ കാസർകോട് : 74.86 (77.25),കണ്ണൂർ: 76.77 (77.13),വയനാട്: 78.3 (79.47),കോഴിക്കോട്: 77.26 (79.20) , മലപ്പുറം: 77.43 (78.91),പാലക്കാട്: 76.27 (78.13),തൃശൂർ: 72.46 (75.20).







