പി പി ചെറിയാൻ

റൗണ്ട് റോക്ക്, ടെക്സസ്: രണ്ട് യുവതികളെ നിർബന്ധിത വേശ്യാവൃത്തിക്കു ഹൂസ്റ്റണിൽ നിന്ന് റൗണ്ട് റോക്കിലേക്ക് എത്തിച്ചുവെന്ന കേസിൽ ഒരാൾ അറസ്റ്റിലായി.

നവംബർ 26-ന് റൗണ്ട് റോക്കിലെ ഒരു വീട്ടിൽ മനുഷ്യക്കടത്തിന് സാധ്യതയുണ്ടെന്ന് പോലീസിന് ലഭിച്ച വിവരത്തെ തുടർന്നു നടത്തിയ അന്വേഷണത്തേതുടർന്നാണിത്.ഒരു ബന്ധുവിനെ നിർബന്ധിച്ച് ലൈംഗികവൃത്തിയിൽ ഏർപ്പെടുത്തുകയാണെന്നും പുറത്തുപോകാൻ അനുവദിക്കുന്നില്ലെന്നും വിളിച്ചയാൾ പോലീസിനെ അറിയിച്ചു.

സ്ഥലത്തെത്തിയ പോലീസ് 39 വയസ്സുള്ള ബ്രാൻഡൻ വില്യംസിനെയും ഹൂസ്റ്റൺ സ്വദേശികളായ 20 വയസ്സുള്ള രണ്ട് യുവതികളെയും കണ്ടെത്തി. വേശ്യാവൃത്തിക്കായി വില്യംസ് തങ്ങളെ ഹൂസ്റ്റണിൽ നിന്ന് കൊണ്ടുവന്നതാണെന്നും പോകാൻ അനുവദിക്കുന്നില്ലെന്നും യുവതികളിൽ ഒരാൾ പോലീസിനോട് പറഞ്ഞു. വില്യംസിന്റെ കൈവശം തോക്കും കണ്ടെത്തി.

നിർബന്ധിത വേശ്യാവൃത്തിക്കു വില്യംസിനെ പോലീസ് അറസ്റ്റ് ചെയ്തു.

രക്ഷപ്പെടുത്തിയ യുവതികൾക്ക് ആവശ്യമായ പിന്തുണയും സഹായങ്ങളും പോലീസ് നൽകി വരുന്നു.