തിരുവനന്തപുരം: തിരുവനന്തപുരം കോര്പ്പറേഷന് തെരഞ്ഞെടുപ്പില് ബിജെപിയുടെ ആദ്യഘട്ട സ്ഥാനാര്ത്ഥികളെ പ്രഖ്യാപിച്ചു. പ്രമുഖരെ ഉള്പ്പെടുത്തി 67 സ്ഥാനാര്ത്ഥികളെയാണ് പ്രഖ്യാപിച്ചത്. ശാസ്തമംഗലം വാര്ഡില് മുന് ഡിജിപി ആര് ശ്രീലേഖ ബിജെപി സ്ഥാനാര്ത്ഥിയായി മത്സരിക്കും. പാളയത്ത് മുന് കായിക താരവും സ്പോര്ട്സ് കൗണ്സില് സെക്രട്ടറിയുമായ പദ്മിനി തോമസും വിവി രാജേഷ് കൊടുങ്ങന്നൂര് വാര്ഡിലും മത്സരിക്കും. തിരുമല വാര്ഡില് ദേവിമ, കരമനയില് കരമന അജി, നേമത്ത് എംആര് ഗോപന് എന്നിവരും സ്ഥാനാര്ത്ഥികളാകും. പേരുര്ക്കടയില് ടിഎസ് അനില്കുമാറും കഴക്കൂട്ടത്ത് അനില് കഴക്കൂട്ടവുമായിരിക്കും ബിജെപി സ്ഥാനാര്ത്ഥി. ഭരിക്കാന് ഒരു അവസരമാണ് ബിജെപി ചോദിക്കുന്നതെന്നും ഇന്ത്യയിലെ ഏറ്റവും മികച്ച നഗരമാക്കി തിരുവനന്തപുരത്തെ മാറ്റാനാണ് ലക്ഷ്യമെന്നും സ്ഥാനാര്ത്ഥികളെ പ്രഖ്യാപിച്ചുകൊണ്ട് സംസ്ഥാന അധ്യക്ഷന് രാജീവ് ചന്ദ്രശേഖര് പറഞ്ഞു. അഴിമതി രഹിത അനന്തപുരി അതാണ് ലക്ഷ്യമെന്നും രാജീവ് ചന്ദ്രശേഖര് പറഞ്ഞു.
