കാസര്കോട്: വൊര്ക്കാടി, കൊടലമുഗറു, സുള്ള്യമയില് നിന്നു 116 കിലോ കഞ്ചാവ് പിടികൂടിയ കേസില് ഒരാള് അറസ്റ്റില്. കര്ണ്ണാടക, മൈസൂര്, ജയപുര, കെരിഗാലിയിലെ സിദ്ധഗൗഡ (25)യെ ആണ് മഞ്ചേശ്വരം എസ് ഐ കെ ജി രതീഷ്, സിവില് പൊലീസ് ഓഫീസര് ചന്ദ്രകാന്ത് എന്നിവര് ചേര്ന്ന് അറസ്റ്റ് ചെയ്തത്. കോടതിയില് ഹാജരാക്കിയ പ്രതിയെ രണ്ടാഴ്ച്ചത്തേയ്ക്ക് റിമാന്റ് ചെയ്തു. മൈസൂരുവില് ഒളിവില് കഴിയുന്നുണ്ടെന്ന രഹസ്യ വിവരത്തെ തുടര്ന്നാണ് പൊലീസ് സംഘം അവിടെയെത്തി പ്രതിയെ അറസ്റ്റു ചെയ്തത്.
ഒക്ടോബര് എട്ടിനു രാത്രി പന്ത്രണ്ടരമണിയോടെ സുള്ള്യമയിലെ ഒരു ഷെഡില് നാലു ചാക്കുകളിലാക്കി സൂക്ഷിച്ച നിലയിലാണ് കഞ്ചാവ് കണ്ടെത്തിയത്. സ്ഥലത്ത് നിര്ത്തിയിട്ടിരുന്ന മിനിലോറിയും പിടികൂടിയിരുന്നു. പ്രസ്തുത വാഹനത്തിന്റെ ഡ്രൈവറാണ് ഇപ്പോള് അറസ്റ്റിലായ സിദ്ധഗൗഡയെന്ന് പൊലീസ് പറഞ്ഞു.
കഞ്ചാവ്കടത്തിന്റെ സൂത്രധാരനെ കുറിച്ച് പൊലീസിനു വ്യക്തമായ സൂചന ലഭിച്ചിട്ടുണ്ട്. ഇയാളെ കണ്ടെത്താനായി പൊലീസ് അന്വേഷണം ഊര്ജ്ജിതമാക്കി.
ജില്ലാ പൊലീസ് മേധാവി ബി വി വിജയഭരത് റെഡ്ഡിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു കഞ്ചാവ് വേട്ട നടത്തിയത്.
സെന്സസ് ഡ്യൂട്ടിക്കിടെ അധ്യാപികയ്ക്കു വളര്ത്തുനായയുടെ കടിയേറ്റു, സംഭവം പുത്തിഗെയിൽ
Sunday, 12 July 2026, 22:38
