സ്റ്റോക്കോം: 2025 ലെ വൈദ്യശാസ്ത്ര നൊബേലിന് മൂന്ന് പേര് അര്ഹരായി. മേരി ഇ ബ്രന്കോവ്, ഫ്രെഡ് റാംസ്ഡെല്, ഷിമോണ് സാകാഗുച്ചി എന്നിവരാണ് നൊബേലിന് അര്ഹരായത്. രോഗപ്രതിരോധ സംവിധാനം എങ്ങനെ നിയന്ത്രിക്കപ്പെടുന്നു എന്നായിരുന്നു അവരുടെ കണ്ടെത്തല്.
പെരിഫറല് ഇമ്മ്യൂണ് ടോളറന്സിനെ പറ്റിയുള്ള ഗവേഷണത്തിനാണ് നൊബേല്. മേരി ഇ ബ്രണ്കോവ് സിയാറ്റിലിനിലെ ഇന്സ്റ്റിറ്റ്യൂട്ട് ഓഫ് ബയോളജിയിലെ ഗവേഷകയാണ്. ഫ്രെഡ് റാംസ്ഡെല് സാന് ഫ്രാന്സിസ്കോയിലെ സൊനോമ ബയോതെറാപ്യൂട്ടിക്സ് സ്ഥാപകനും ഷിമോണ് സാകാഗുച്ചി ജപ്പാനിലെ ഒസാക സര്വകലാശാലയിലെ ഗവേഷകനുമാണ്. ഷിമോണ് സകാഗുച്ചി ജപ്പാന് സ്വദേശിയാണ്. മറ്റ് രണ്ടുപേരും അമേരിക്കക്കാരാണ്. കരോലിന്സ്ക ഇന്സ്റ്റിറ്റ്യൂട്ടില് നടന്ന നൊബേല് അസംബ്ലിയാണ് പ്രഖ്യാപനം നടത്തിയത്. സര്ട്ടിഫിക്കറ്റ്, സ്വര്ണ മെഡല്, 13.31 കോടി രൂപയുടെ ചെക്ക് എന്നിവയാണ് പുരസ്കാരം നേടിയവര്ക്ക് ലഭിക്കുക. മറ്റു മേഖലകളിലെ പുരസ്കാരങ്ങള് വരും ദിവസങ്ങളില് പ്രഖ്യാപിക്കും. നാളെ ഫിസിക്സ്, 8 ന് കെമിസ്ട്രി, 9 ന് സാഹിത്യം, 10 ന് സമാധാനം, 13 ന് സാമ്പത്തിക ശാസ്ത്രം എന്നീ നൊബേലുകള് പ്രഖ്യാപിക്കും.
