കാസര്കോട്: ചൗക്കി സിപിസിആര്ഐക്ക് സമീപം റെയില്വേ ജീവനക്കാരനെ ട്രെയിന് തട്ടിമരിച്ച നിലയില് കണ്ടെത്തി. ബിഹാര് ഭോജ്പൂര് ഗോര്പോഖാര് സ്വദേശി അരവിന്ദ് കുമാര്(44) ആണ് മരിച്ചത്. റെയില്വേ ട്രാക്ക് മെയിന്റെനറായിരുന്നു. ചൊവ്വാഴ്ച രാവിലെ പത്തുമണിയോടെയാണ് സംഭവം. കണ്ണൂര്-മംഗളൂരു പാസഞ്ചര് ട്രെയിനാണ് തട്ടിയതെന്നാണ് വിവരം. വിവരമറിഞ്ഞ് കാസര്കോട് ടൗണ് പൊലീസ് സ്ഥലത്തെത്തി. മൃതദേഹം കാസര്കോട് ജനറലാശുപത്രി മോര്ച്ചറിയിലേക്കുമാറ്റും.
