കാസര്കോട്: പനിബാധിച്ച് കെട്ടിട നിര്മാണത്തിനെത്തിയ ഇതരസംസ്ഥാന തൊഴിലാളി മരിച്ചു. കര്ണാടക ബല്ലാരി ആനേക്കാല് സ്വദേശി സിദ്ദാര ബസവരാജ്(27) ആണ് മരിച്ചത്. പാറക്കട്ട സ്വദേശിയായ കരാറുകാരന് കിരണ് രാജിന്റെ കീഴില് ഒരു വര്ഷം മുമ്പാണ് ബസവരാജ് ജോലിക്കെത്തിയത്. പാറക്കട്ടയിലെ വാടക വീട്ടിലാണ് താമസം. പനി മൂര്ച്ഛിച്ചതിനെ തുടര്ന്ന് കാസര്കോട്ടെ സ്വകാര്യ ആശുപത്രിയില് പ്രവേശിപ്പിച്ചിരുന്നു. വെളളിയാഴ്ച രാത്രി 11 മണിയോടെ മരണപ്പെട്ടു. മൃതദേഹം കാസര്കോട് ജനറല് ആശുപത്രിയില് പോസ്റ്റുമോര്ട്ടം നടത്തി. ബന്ധുക്കളെത്തി മൃതദേഹം ഏറ്റുവാങ്ങി നാട്ടിലേക്ക് കൊണ്ടുപോയി. ദുര്ഗപ്പ മഡ്ഡിയാണ് പിതാവ്.
നാളെ നാട്ടിൽ വരാൻ ടിക്കറ്റ് എടുത്ത കൊട്ടോടി സ്വദേശി കുവൈത്തിലെ താമസ സ്ഥലത്ത് മരിച്ച നിലയിൽ
Friday, 3 July 2026, 18:42
