പയ്യന്നൂര്: 40 ലിറ്റര് ചാരായവും 80 ലിറ്റര് വാഷുമായി ഒരാള് അറസ്റ്റില്. രാമന്തളി, കുരിശുമുക്ക്, കാഞ്ഞിരംവിള, പുത്തന് വീട്ടില് സജീവ (48)നെയാണ് പയ്യന്നൂര് റേഞ്ച് എക്സൈസ് ഇന്സ്പെക്ടര് കെ ദിനേശനും സംഘവും അറസ്റ്റു ചെയ്തത്. ഇയാളുടെ വീടിനു സമീപത്തെ ഷെഡ് കേന്ദ്രീകരിച്ച് ചാരായവാറ്റ് നടക്കുന്നുണ്ടെന്ന വിവരത്തെ തുടര്ന്ന് സ്ഥലം എക്സൈസിന്റെ നിരീക്ഷണത്തിലായിരുന്നു. ഇതിനൊടുവിലാണ് ഷെഡില് റെയ്ഡ് നടത്തിയത്. കുപ്പികളില് ലിറ്റര് അളവിലും മൊത്തമായും വില്പ്പന നടത്തുന്നതാണ് ഇയാളുടെ രീതിയെന്നു എക്സൈസ് അധികൃതര് പറഞ്ഞു.
നേരത്തെ രണ്ട് അബ്കാരി കേസുകളില് പ്രതിയാണ്. അസി. ഇന്സ്പെക്ടര്മാരായ എ അസീസ്, എം കെ ജനാര്ദ്ദനന്, സി ഇ ഒ മാരായ പി വി രാഹുല്, പി ജസ്ന, പി വി അജിത്ത് എന്നിവരും സംഘത്തില് ഉണ്ടായിരുന്നു.
മകൻ ഷോക്കേറ്റ് മരിച്ചതിന് പിന്നാലെ മാതാവും മരിച്ചു
Wednesday, 15 July 2026, 21:33
