തളിപ്പറമ്പ: വിസ്മയ പാര്‍ക്കിന് സമീപം യുവതിക്കുനേരെ ലൈംഗിക ചേഷ്ട കാണിച്ച യുവാവ് പിടിയില്‍. കാസര്‍കോട്, വെളളരിക്കുണ്ട് , പരപ്പ മൂലപ്പാറയിലെ ലൈങ്കിലകത്ത് ഹൗസില്‍ കെ. സഫാദിനെ (25) ആണ് തളിപ്പറമ്പ എസ്.ഐ എന്‍.വി പ്രകാശന്‍, എ.എസ്.ഐ ജയശ്രീ എന്നിവരുടെ നേതൃത്വത്തില്‍ പിടികൂടിയത്. ഞായറാഴ്ച വൈകിട്ട് പറശിനിക്കടവ് വിസ്മയ പാര്‍ക്കിന് സമീപത്താണ് സംഭവം. പാര്‍ക്കിലെത്തിയ കോഴിക്കോട് സ്വദേശിനിക്ക് നേരെയാണ് ഇയാള്‍ ലൈംഗിക ചേഷ്ട കാണിച്ചത്.