ആലുവ: തുരുത്തിലെ ഒരു വിവാഹ വീട്ടില്‍ നടന്ന കോല്‍ക്കളി പരിപാടിക്കിടെ കുഴഞ്ഞുവീണ മുസ്ലീം ലീഗ് നേതാവ് മരിച്ചു. എടയപ്പുറം സ്വദേശി എം.എം. അലി (65) ആണ് മരിച്ചത്. ശനിയാഴ്ച രാത്രിയിലാണ് സംഭവം. വിവാഹത്തലേന്നുള്ള ആഘോഷങ്ങളുടെ ഭാഗമായി കോല്‍ക്കളി സംഘം പരിപാടി അവതരിപ്പിക്കുന്നതിനിടെ സംഘത്തിലുണ്ടായിരുന്ന അലി കുഴഞ്ഞുവീഴുകയായിരുന്നു. ഉടന്‍തന്നെ അദ്ദേഹത്തെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കോല്‍ക്കളിയില്‍ സജീവമായിരുന്ന അലി, സംഘത്തിലെ പ്രധാന അംഗമായിരുന്നു. എം.എം. അലി മുസ്ലീം ലീഗിന്റെ സജീവ പ്രവര്‍ത്തകനും നേതാവുമായിരുന്നു. സംഭവത്തിന്റെ സിസിടിവി ദൃശ്യങ്ങള്‍ ഇപ്പോള്‍ പുറത്തുവന്നിട്ടുണ്ട്.