കൊല്ലം: ഷാര്ജയില് മരിച്ച അതുല്യയുടെ ഭര്ത്താവ് സതീഷ് അറസ്റ്റില്. ഷാര്ജയില് നിന്ന് തിരുവനന്തപുരത്ത് വിമാനം ഇറങ്ങിയ സതീഷിനെ എമിഗ്രേഷന് വിഭാഗം കസ്റ്റഡിയിലെടുക്കുകയായിരുന്നു. തുടര്ന്ന് വലിയതുറ പൊലീസിന് കൈമാറി. അതിനിടെ അറസ്റ്റിലായ ഭര്ത്താവ് സതീഷിന് കൊല്ലം സെഷന്സ് കോടതി ഇടക്കാല ജാമ്യം അനുവദിച്ചു. രണ്ട് ലക്ഷം രൂപയുടെ രണ്ടാള് ജാമ്യമാണ് സതീഷിന് അനുവദിച്ചിരിക്കുന്നത്. കൊല്ലം തേവലക്കര സ്വദേശിനി അതുല്യയുടെ മരണം കരുനാഗപ്പള്ളി എഎസ്പി അഞ്ജലി ഭാവനയുടെ നേതൃത്വത്തിലാണ് നിലവില് അന്വേഷണം നടക്കുന്നത്. ജൂലൈ 19 നാണ് അതുല്യയെ ഭര്ത്താവ് സതീഷിനൊപ്പം താമസിച്ചിരുന്ന ഷാര്ജയിലെ ഫ്ലാറ്റില് തൂങ്ങി മരിച്ച നിലയില് കണ്ടെത്തിയത്. അതുല്യയുടെ കുടുംബം നല്കിയ പരാതിയില് സതീഷിനെതിരെ കൊലക്കുറ്റം ചുമത്തി ചവറ തെക്കുംഭാഗം പൊലീസ് കേസ് എടുക്കുകയായിരുന്നു.
മദ്യ ലഹരിയില് ഓടിച്ച ഓട്ടോ ഇലക്ട്രിക് ഓട്ടോയില് ഇടിച്ച് യാത്രക്കാര്ക്ക് പരിക്ക്; ഡ്രൈവര്ക്കെതിരെ കേസ്
Sunday, 15 February 2026, 14:16
