കാസര്‍കോട്: കുമ്പള ദേശീയ പാതയില്‍ വീണ്ടും അപകടം. നിയന്ത്രണം തെറ്റിയ കാര്‍ സുരക്ഷാ ഭിത്തിയില്‍ ഇടിച്ചുണ്ടായ അപകടത്തില്‍ സ്്ത്രീ ഉള്‍പ്പെടെ നാലു പേര്‍ക്ക് പരിക്കേറ്റു. ഇവരില്‍ ഒരാളുടെ നില അതീവ ഗുരുതരമായതിനാല്‍ മംഗ്‌ളൂരുവിലെ ആശുപത്രിയിലേക്ക് കൊണ്ടു പോയി. കണ്ണൂര്‍, ഇരിക്കൂര്‍ സ്വദേശികളായ അബ്ദുല്‍ നാസര്‍, നുസ്രത്ത്, അയൂബ്, ജാഫര്‍ എന്നിവര്‍ക്കാണ് പരിക്കേറ്റത്. അബ്ദുല്‍ നാസറിനെ മംഗ്‌ളൂരുവിലെ ആശുപത്രിയിലും മറ്റുള്ളവരെ ജില്ലാ സഹകരണ ആശുപത്രിയിലും പ്രവേശിപ്പിച്ചു.
തിങ്കളാഴ്ച രാവിലെ 8.30 മണിക്ക് കുമ്പള ബദ്ര്‍ ജുമാമസ്ജിദിനു മുന്‍ വശത്താണ് അപകടം. മണിപ്പാലിലെ ആശുപത്രിയിലേക്ക് പോവുകയായിരുന്നു കാര്‍ യാത്രക്കാര്‍. ഏതാനും ആഴ്ചകള്‍ക്കു മുമ്പും ബദര്‍ ജുമാമസ്ജിദിനു മുന്‍വശം കാര്‍ അപകടത്തില്‍പ്പെട്ടിരുന്നു. ബേക്കല്‍, മൗവ്വല്‍ സ്വദേശികള്‍ സഞ്ചരിച്ചിരുന്ന കാര്‍ അപകടത്തില്‍പ്പെട്ട് മൂന്നു പേര്‍ക്ക് സാരമായി പരിക്കേറ്റിരുന്നു.
കേരളത്തിലെ ആരോഗ്യ രംഗം മോർച്ചറിയിൽ: കെ.പി.സി.സി പ്രസിഡണ്ട് സണ്ണി ജോസഫ്
Monday, 14 July 2025, 13:51
