തിരുവനന്തപുരം: സംസ്ഥാനത്ത് നാളെ മുതൽ 5 വരെ ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ജാർഖണ്ഡിന് മുകളിലായി ന്യൂനമർദം രൂപപ്പെട്ടതോടെയാണ് മഴ മുന്നറിയിപ്പിൽ മാറ്റമുണ്ടായത്.
ഇന്ന് മുതൽ 3 വരെ മണിക്കൂറിൽ പരമാവധി 40 മുതൽ 50 വരെ കിലോമീറ്റർ വേഗതയിൽ കാറ്റ് ശക്തമാകാനും സാധ്യതയുണ്ട്.
നാളെ കാസർകോട്, കണ്ണൂർ, കോഴിക്കോട് ജില്ലകളിൽ യെല്ലോ അലർട്ടാണ്. 3ന് കാസർകോട്, കണ്ണൂർ ജില്ലകളിലും 4ന് എറണാകുളം, കോഴിക്കോട്, കണ്ണൂർ, വയനാട്,, കാസർകോട് ജില്ലകളിലും 5ന് കണ്ണൂർ, കാസർകോട് ജില്ലകളിലും യെലോ അലർട്ട് പ്രഖ്യാപിച്ചിട്ടുണ്ട്.