കണ്ണൂര്‍: മുന്‍ വിരോധത്തെത്തുടര്‍ന്ന് യുവതിയുടെ ശരീരത്തില്‍ ചൂടാക്കിയ ചട്ടുകം വച്ച് പൊള്ളിച്ച കേസില്‍ അയല്‍വാസി അറസ്റ്റില്‍. പയ്യാവൂര്‍ വാതില്‍മടയിലെ തലക്കുളവന്‍ ബാബുവിന്റെ ഭാര്യ മഞ്ജുവിന്റെ പരാതിയില്‍ വേങ്ങയില്‍ ലൈജുവിനെയാണ് (38) പയ്യാവൂര്‍ പൊലീസ് ഇന്‍സ്‌പെക്ടര്‍ അറസ്റ്റു ചെയ്തത്. മദ്യപിച്ച് സ്ഥിരമായി ലൈജു ചീത്തവിളിക്കുന്നതിനെ യുവതി ചോദ്യംചെയ്തിരുന്നുവത്രെ. ഈ വിരോധത്തില്‍ കഴിഞ്ഞ ദിവസം വീട്ടില്‍ നിന്ന് ചട്ടുകം ചൂടാക്കി കൊണ്ടുവന്ന് യുവതിയുടെ ശരീരം പൊള്ളിക്കുകയായിരുന്നുവെന്നാണ് പരാതി. പൊള്ളലേറ്റ യുവതി ആശുപത്രിയില്‍ ചികിത്സ തേടിയിരുന്നു.
ആ രക്തത്തിൽ ഞങ്ങൾക്കു പങ്കില്ല: ബി.ജെ.പി -സി.പി.എം.
Saturday, 28 June 2025, 20:03
