മുംബൈ: മഹാരാഷ്ട്രയിൽ ബീഡിയിൽ നിന്ന് വസ്ത്രത്തിലേക്കു തീപിടിച്ച് 65 വയസ്സുകാരനായ കിടപ്പുരോഗിക്ക് ദാരുണാന്ത്യം. ബാന്ദ്ര ജില്ലയിലെ മാനേഗാവോൺ ഗ്രാമത്തിലാണ് സംഭവം. പക്ഷാഘാതത്തെ തുടർന്ന് കഴിഞ്ഞ 5 വർഷമായി കിടപ്പിലായിരുന്ന ഓം പ്രകാശ് കാംബ്ലെയാണ് മരിച്ചത്. കഴിഞ്ഞ ദിവസം വീട്ടിൽ ആരുമില്ലാത്ത സമയത്ത് ഓംപ്രകാശ് ബീഡി വലിക്കാൻ ശ്രമിക്കുകയായിരുന്നു. ഇതിനിടെ തീ വസ്ത്രങ്ങളിൽ പടർന്ന് ആളികത്തി. ഗുരുതരമായി പൊള്ളലേറ്റാണ് ഓംപ്രകാശ് മരിച്ചത്.
