മലപ്പുറം: നിലമ്പൂരിൽ സിനിമ തിയേറ്റർ പരിസരത്ത് തീ തുപ്പുന്ന കാറുമായി അഭ്യാസ പ്രകടനം. നിലമ്പൂർ ഫെയറി ലാൻഡ് തിയേറ്ററിലാണ് കാർ സ്റ്റാർട്ട് ചെയ്ത് സൈലൻസറിൽ നിന്നു തീ തുപ്പിച്ച് വണ്ടൂർ അയനിക്കോട് സ്വദേശി അഭ്യാസ പ്രകടനം നടത്തിയത്. ഇതിന്റെ ദൃശ്യങ്ങൾ സമൂഹമാധ്യമങ്ങളിൽ വൈറലായതോടെ പൊലീസ് കാർ കസ്റ്റഡിയിലെടുത്തു. ഉടമയിൽ നിന്ന് 22,500 രൂപ പിഴ ഈടാക്കി. രൂപമാറ്റം വരുത്തിയ കാർ 4 ദിവസത്തിനകം പൂർവ സ്ഥിതിയിലാക്കാനും നിർദേശം നൽകിയതായി പൊലീസ് അറിയിച്ചു.