കാസര്‍കോട്: ഇരുട്ടത്തു നില്‍ക്കുന്നത് കണ്ട് ആരാണെന്നു ചോദിച്ച വ്യാപാരിയെയും മകനെയും ആക്രമിച്ചതായി പരാതി. സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചു. ബേളൂര്‍, തട്ടുമ്മലില്‍ താമസിക്കുന്ന കള്ളാര്‍, മാലക്കല്ലിലെ അബ്ദുല്‍ മജീദ് (45), മകന്‍ മുഹമ്മദ് ഷാമില്‍ (20) എന്നിവരാണ് അക്രമത്തിനു ഇരയായത്. 13ന് രാത്രി കട അടച്ച് വീട്ടിലേക്കു പോവുകയായിരുന്ന അബ്ദുല്‍ മജീദും മകനും വീടിനു സമീപത്ത് എത്തിയപ്പോള്‍ ഒരാള്‍ ഇരുട്ടത്തു നില്‍ക്കുന്നതു കണ്ടുവെന്നും ആരാണെന്നു ചോദിച്ചപ്പോള്‍ ആക്രമിക്കുകയായിരുന്നുവെന്നും അബ്ദുല്‍ മജീദ് നല്‍കിയ പരാതിയില്‍ പറയുന്നു. സംഭവത്തില്‍ പൊടവടുക്കത്തെ ബിജു എന്നയാള്‍ക്കെതിരെ അമ്പലത്തറ പൊലീസ് കേസെടുത്തു.